كَوَندِلَ 12:4-14

⁴بَنشِ نَادّيٍ بَلَنمَ نّ، مَالٍ دِن شُي دَنمَ نّ، شْنِ شُي دُندُ مَ نّ نَشَن نُ مِشِيٍ رَشُنُمَ،

⁵شّمّ قَمَ نّ فَاشُدٍ يِرٍ عِتٍشِ رَ، عٍ قَمَ نّ فَاشُدٍ قٍ شْرْشْي رَ كِرَ شْن مَ، شّمْشِ شُنسّشّ قَمَ نّ قِيشّدٍ، كَتٌي بَمَ نّ كَسَرّ تِقٍ، سٍرِ مُ دَندَنيِ تِمَ سْنْن. نَ تّمُي مِشِ سِفَمَ نّ عَ شَ لِنفِرَ دْنشْي، وَ شُي مِنِمَ نّ كِرَيٍ شْن مَ.

⁶نَ رَبَمَ نّ بٍينُن فبٍتِ شَ بٌلٌن، بٍينُن شّيمَ تْنبِلِ شَ كَنَ، بٍينُن قّحّ شَ عِبْو دُلٌنيِ مَ، بٍينُن يٍ بّندُن سٍ شَ كَنَ كٌلٌنيِ يِرٍ،

⁷بٍينُن عَدَ مَدِ شَ فبِلٍن بّندّ عَ دَاشِ نَشّ، عَ نِي قَن شَ فبِلٍن عَلَ مَ نَشَن عَ رَ سٌ عَ قَتٍ عِ.

⁸ﭑ تَن كَوَندِلَ شَ عَ قَلَ وٌ بّ، «قٍ قُقَقُ نَن نَ نَ بِرِن نَ. عَ بِرِن لُشِ نّ عَلْ قٌيٍ!»

⁹وٌ شَ عَ كٌلٌن يِ كَوَندِلَ قِندِشِ شَشِلِمَ نَن نَ، نَشَن بَرَ حَمَ شَرَن. عَ بَرَ تَالِيٍ مَتٌ، عَ عٍ يَءِلَن.

¹⁰يِ كَوَندِلَ كَتَ نّ عَ شَ مَسٍنيِ قَنيِيٍ نُن سّبّلِ تِنشِنشِيٍ سْتْ نَشٍيٍ نْندِ مَسٍنمَ.

¹¹شَشِلِمَيٍ شَ مَسٍنيِيٍ لُشِ نّ عَلْ وُرِ رَ مٍلُشِ نَشٍيٍ شُرُ سٍيٍ رَحّرّ مَ. نَ مَسٍنيِيٍ مَلَنشِ لُشِ نّ عَلْ لَنتُمَ نَشٍيٍ مَبَنبَنشِ وُرِ مَ. نَ بِرِن قَتَنشِ شُرُ سٍ دّ مَدٌنيِ كٍرٍن نَن نَ.

¹²ﭑ مَ دِ، نَشَن دَنفِ نَ مَسٍنيِيٍ رَ، عِ شَ عِ يّتّ رَتَنفَ نَ مَ. دَنيِ مُ نَ سّبّلِ يَءِلَنقٍ مَ. شَرَنيِ فبٍفبٍ مِشِ رَتَفَنمَ نّ.

¹³عَ بِرِن شُندُ سُشِ يِ مَسٍنيِ نَن نَ؛ وٌن شَ فَاشُ عَلَ يَ رَ، وٌن شَ عَ شَ يَامَرِيٍ رَبَتُ، بَرِ مَ عَدَ مَدِ شَ وَلِ لَنمَ عَ شَ قِندِ نَ نَن نَ.

¹⁴وٌن شَ فَاشُ عَلَ يَ رَ بَرِ مَ عَ تَن نَن مِشِ شَ وَلِ بِرِن مَكِيتِمَ، هَلِ قٍ نَشَن بِرِن نْشُنشِ، عَ قِندِ عَ قَنيِ رَ بَ، عَ قِندِ عَ حَاشِ رَ بَ.