كَوَندِلَ 10:6-19

⁶عَ نْي قِمَ نّ شَشِلِتَرٍ ندٍ مَ، بَننَ ندٍ تَن مُ نْي يٌ سْتْ.

⁷ﭑ بَرَ كٌنيِ ندٍ تٌ عَ سٌي رَفِمَ، مَنفّ ندٍ قَ عَ حّرّ عَ سَنيِ رَ.

⁸يِلِ فٍ نْمَ بِرَدٍ عَ شَ يِلِ فٍشِ كُي، مِشِ نَشَن يَلٍ تِمَ تّتّ مَ، بْشِمَسٍ نْمَ نَ قَن شِندٍ.

⁹مِشِ نَشَن فّمّ مَسٌلِمَ، عَ نْمَ عَ مَشْنْدٍ فّمّ رَ. مِشِ نَشَن يٍفٍ بْو مَ، عَ نْمَ عَ مَشْنْدٍ يٍفٍ رَ.

¹⁰شَ بٍيرَ كٌلٍ تٌرِشِ، عَ مُ رَلُفَن، نَ عَ نِيَمَ نّ وَلِ شَ شْرْشْ. شَشِلِمَيَ شُننَكٍلِ قِمَ مِشِ مَ نَ كِ نّ.

¹¹شَ بْشِمَسٍ مِشِ شِن بٍينُن بْشِمَسٍ سُشُمَ شَ عَ سُشُ، مِشِ نَشَن بْشِمَسٍ سُشُمَ، عَ مُ فٍينِمَ.

¹²هِننّ فبٍفبٍ نَ شَشِلِمَ شَ مَسٍنيِ كُي، كْنْ شَشِلِتَرٍ تَن شَ وْيّنيِ عَ يّتّ بْنْمَ نّ.

¹³عَ شَ مَسٍنيِ قْلْمَ لْننِتَرٍحَ رَ، عَ رَحْن دَشُحَ رَ.

¹⁴شَشِلِتَرٍ شَ وْيّنيِ وُيَ. عَدَ مَدِ مُ عَ كٌلٌن قٍ نَشَن قَمَ قَدٍ. ندٍ عَ رَكٌلٌنمَ قٍ رَ نَشَن قَمَ عَ لِدٍ؟

¹⁵شَشِلِتَرٍ عَ يّتّ رَتَفَنمَ، هَلِ تَا كِرَ، عَ مُ عَ كٌلٌن.

¹⁶حَشَنكَتّ نَ تَا بّ نَشَن شَ مَنفّ قِندِشِ قٌنِكٍ يْرّ رَ، نَشَن شَ كُنتِفِيٍ كُرُنمَ شُلُنيِ تِقٍ رَ.

¹⁷حّلّشِنيِ نَ تَا بّ نَشَن شَ مَنفّ قَتَنشِ مَنفّ بْنسْي رَ، نَشَن شَ كُنتِفِيٍ عٍ دّفٍمَ عَ وَشَتِ مَ سّنبّ سْتْقٍ رَ، عٍ مُ سِيسِ.

¹⁸شَ بَنشِ كَنيِ تُننَشْنْ، بَنشِ شُنيِ بِرَ مَ نّ، شَ عَ مُ عَ قِندِ تُننَبّشِ رَ، عَ شَ بَنشِ قَمَ نّ مِنِدٍ.

¹⁹مِشِ دٌنسٍ رَقَلَمَ نّ عَلَكٌ عَ شَ حّلّشِن، عَ وّنِ مِنمَ نّ عَلَكٌ عَ شَ سّيوَ، عَ كْبِرِ سْتْمَ نّ عَلَكٌ عَ هَيِ بِرِن شَ قَن.