10شَ بٍيرَ كٌلٍ تٌرِشِ، عَ مُ رَلُفَن، نَ عَ نِيَمَ نّ وَلِ شَ شْرْشْ. شَشِلِمَيَ شُننَكٍلِ قِمَ مِشِ مَ نَ كِ نّ.
11شَ بْشِمَسٍ مِشِ شِن بٍينُن بْشِمَسٍ سُشُمَ شَ عَ سُشُ، مِشِ نَشَن بْشِمَسٍ سُشُمَ، عَ مُ فٍينِمَ.
12هِننّ فبٍفبٍ نَ شَشِلِمَ شَ مَسٍنيِ كُي، كْنْ شَشِلِتَرٍ تَن شَ وْيّنيِ عَ يّتّ بْنْمَ نّ.
13عَ شَ مَسٍنيِ قْلْمَ لْننِتَرٍحَ رَ، عَ رَحْن دَشُحَ رَ.
14شَشِلِتَرٍ شَ وْيّنيِ وُيَ. عَدَ مَدِ مُ عَ كٌلٌن قٍ نَشَن قَمَ قَدٍ. ندٍ عَ رَكٌلٌنمَ قٍ رَ نَشَن قَمَ عَ لِدٍ؟
15شَشِلِتَرٍ عَ يّتّ رَتَفَنمَ، هَلِ تَا كِرَ، عَ مُ عَ كٌلٌن.
16حَشَنكَتّ نَ تَا بّ نَشَن شَ مَنفّ قِندِشِ قٌنِكٍ يْرّ رَ، نَشَن شَ كُنتِفِيٍ كُرُنمَ شُلُنيِ تِقٍ رَ.