رْ مَ 4:1-13

¹وٌن شَ مِسَالِ تٌنفٌ عِبُرَهِمَ مَ، وٌن تَن يُوِقِيٍ بٍنبَ. عَ مُنسٍ كٌلٌن يِ شَ قٍ رَ؟

²شَ عَ سَ لِ نُ عِبُرَهِمَ قِندِ تِنشِنتْي رَ عَ شَ وَلِ نَن سَابُي رَ، عَ نُ نْمَ عَ يّتّ مَتْشْدٍ، كْنْ عَلَ تَن يَ عِ مُ عَ رَ.

³كِتَابُي مُنسٍ قَلَشِ نَ شَ قٍ رَ؟ «عِبُرَهِمَ نَشَ دَنشَنِيَ عَلَ مَ، عَلَ نَشَ نَ قِندِ تِنشِنيِ رَ عَ بّ.»

⁴وَلِكّ نَ عَ سَرٍ سْتْ، نَ مُ قِندِ مَ عَ بّ كِ شَ رَ، بَرِ مَ عَ شَ وَلِ سَرٍ نَ عَ رَ عَ لَنمَ عَ شَ نَشَن سْتْ.

⁵كْنْ مِشِ نَشَن شَشِلِ مُ تِشِ عَ شَ وَلِ رَ، نَشَن دَنشَنِيَشِ مَرِفِ مَ نَشَن مِشِ كٌبِ قِندِ مَ تِنشِنتْي رَ، عَلَ نَ كَنيِ شَ دَنشَنِيَ قِندِ مَ عَ بّ تِنشِنيِ نَن نَ.

⁶دَوُدَ قَن عَ مَسٍن نّ عَ هّيرِ نَ مِشِ بّ عَلَ بَرَ نَشَن قِندِ تِنشِنتْي رَ عَ يَ عِ، بَقٍ عَ شَ وَلِيٍ رَ؛

⁷«هّيرِ نَ مِشِيٍ بّ، عَلَ بَرَ دِحّ نَشٍيٍ شَ وَلِ كٌبِيٍ مَ، نَشٍيٍ شَ يُنُبِيٍ بَرَ شَقَرِ.

⁸هّيرِ نَ مِشِ بّ، عَلَ مُ نَشَن شَ يُنُبِ رَبَشِ مَشْرِنمَ.»

⁹نَ كُي، يِ هّيرِ نَشَن مَ قٍ قَلَشِ، مِشِ سُننَشِيٍ فبَنسَن نَن عَ سْتْمَ، كَ مِشِ سُننَتَرٍيٍ قَن نْمَ عَ سْتْدٍ؟ وٌن حَن بَرَ عَ قَلَ عَ عِبُرَهِمَ تٌ دَنشَنِيَ عَلَ مَ، عَلَ عَ شَ دَنشَنِيَ نَن قِندِ تِنشِنيِ رَ عَ بّ.

¹⁰نَ رَبَشِ عَ بّ مُن تّمُي؟ عَ تٌ نُ سُننَشِ بَ، كَ عَ تٌ مُ نُ سُننَشِ؟ عَلَ نَ رَبَشِ عَ بّ تّمُي نَشّ، عِبُرَهِمَ مُ نُ سُننَشِ.

¹¹نَ شَنبِ، عَ نَشَ سُننَ عَلَكٌ عَ شَ قِندِ تْنشُمَ رَ نَشَن عَ مَسٍنمَ عَ عَلَ بَرَ عَ شَ دَنشَنِيَ قِندِ تِنشِنيِ رَ عَ بّ بٍينُن عَ شَ سُننَ. نَ كُي، عَ نَشَ قِندِ دَنشَنِيَتْي بِرِن بٍنبَ رَ نَشٍيٍ مُ سُننَشِ، عَلَ بَرَ نَشٍيٍ شَ دَنشَنِيَ قِندِ تِنشِنيِ رَ عٍ بّ.

¹²عَ تَن نَن قِندِشِ مِشِ سُننَشِيٍ قَن بٍنبَ رَ نَشٍيٍ مُ عٍ شَشِلِ تِمَ عٍ شَ سُننّ رَ، كْنْ نَشٍيٍ مَن حّرّ مَ دَنشَنِيَ كُي عَلْ وٌن بٍنبَ عِبُرَهِمَ حّرّ كِ نَشّ بٍينُن عَ شَ سُننَ.

¹³عَلَ لَايِدِ تٌنفٌ نّ عِبُرَهِمَ نُن عَ بْنسْي بّ، عَ عٍ قَمَ دُنِحَ سْتْدٍ كّ رَ. كْنْ نَ لَايِدِ مُ كٍلِ عَ شَ دِينّ سّرِيّ رَبَتُقٍ شَ مَ. عَ كٍلِشِ تِنشِنيِ نَن مَ عَ نَشَن سْتْ دَنشَنِيَ سَابُي رَ.