1ثْلُ، سِلِقَنُ، نُن تِمٌتٍ نَن يِ كِ، كَتَرَبِ بَبَ عَلَ نُن عَ شَ مِشِ سُفَندِشِ مَرِفِ عِسَ شَ دَنشَنِيَتْي حَمَ مَ نَشٍيٍ نَ تّسَلٌنِكِ. عَلَ شَ هِننّ نُن بْحّسَ قِ وٌ مَ.
2وَشَتِ بِرِن مُشُ عَلَ تَنتُمَ وٌ شَ قٍ رَ، مُشُ مَن عَ مَشَندِ مَ وٌ بّ. تّمُي بِرِن
3مُشُ وٌ شَ قٍ قَلَمَ وٌن بَبَ عَلَ بّ. مُشُ عَ تَنتُمَ نّ وٌ شَ وَلِ مَ نَشَن كٍلِشِ وٌ شَ دَنشَنِيَ نُن وٌ شَ شَنُنتٍيَ مَ. مُشُ عَ تَنتُمَ نّ بَرِ مَ وٌ وٌ تُننَبّشِشِ وٌ شَشِلِ تِقٍ رَ عَلَ شَ مِشِ سُفَندِشِ مَرِفِ عِسَ رَ.
4ﭑ نفَشَكٍرٍنيِيٍ، وٌ تَن عَلَ شَنُنتٍنيِيٍ، مُشُ عَ كٌلٌن عَ عَلَ بَرَ وٌ سُفَندِ.
5مُشُ تٌ شِبَارُ قَنيِ مَسٍن وٌ بّ، عَ مُ قِندِ مُشُ دّ وْيّنيِ فبَنسَن شَ رَ. عَلَ شَشِلِ سّنِيّنشِ نَشَ سّنبّ قِ مُشُ شَ شِبَارُ قَنيِ كَوَندِقٍ مَ، مُشُ دَنشَنِيَشِ عَ مَ. وٌ عَ كٌلٌن يَتِ مُشُ نُ حّرّ مَ كِ نَشّ وٌ شَ قٍ رَ، مُشُ نُ نَ وٌ يَ مَ تّمُي نَشّ.
6وٌ بَرَ قِندِ مُشُ نُن مَرِفِ قْشِ رَبَيٍ رَ. هَلِ وٌ تٌ حَشَنكَتّ فبٍفبٍ سْتْ، وٌ عَلَ شَ مَسٍنيِ سُشُ نّ حّلّشِنيِ رَ، حّلّشِنيِ نَشَن قَتَن عَلَ شَشِلِ سّنِيّنشِ رَ.
7نَ كُي، وٌ بَرَ قِندِ مِسَالِ رَ دَنشَنِيَتْي بِرِن بّ نَشٍيٍ نَ مَسٍدٌن نُن عَكَيِ.
8عَلَ شَ مَسٍنيِ بَرَ رَيٍنسٍن يّ وٌ سَابُي رَ. عَ مُ رَيٍنسٍنشِ مَسٍدٌن نُن عَكَيِ فبَنسَن شَ مَ. يِرٍ بِرِن بَرَ عَ كٌلٌن وٌ دَنشَنِيَشِ عَلَ مَ كِ نَشّ. نَ كُي، مُشُ مُ سٍسٍ قَلَمَ سْنْن نَ شَ قٍ رَ.
9نَ مِشِ نَشٍيٍ بَرَ وٌ شَ قٍ مّ، عٍ تَن نَن قَمَ وٌ شَ قٍ قَلَدٍ، وٌ مُشُ رَ سّنّ كِ نَشّ، وٌ مَن فبِلٍن كُيٍيٍ قْشْ رَ كِ نَشّ، وٌ قَ بِرَ عَلَ حِحّ قْشْ رَ نَشَن قِندِشِ نْندِ رَ.
10عٍ مَن وٌ شَ قٍ قَلَمَ، وٌ عَلَ شَ دِ مَمّشِ كِ نَشّ كٍلِقٍ كٌورٍ مَ. نَ نَن قِندِشِ عِسَ رَ، عَلَ نَشَن نَكٍلِ قَشّ مَ، عِسَ نَشَن وٌن نَتَنفَمَ شْنّ مَ نَشَن نَ قَقٍ.
