تِمٌتٍ عِ 3

1

2

3

4

5

6

¹نْندِ نَن يَ؛ مِشِ نَشَن وَ مَ قِندِقٍ دَنشَنِيَتْي حَمَ شُنمَتِ رَ، عَ وَ مَ وَلِ قَنيِ شْن.

²عَ لَنمَ دَنشَنِيَتْي حَمَ شُنمَتِ شَ قِندِ مِشِ رَ مِشِيٍ مُ نْمَ قٍ حَاشِ ندٍ يٌ قَلَدٍ نَشَن شُن مَ. عَ شَ عَ لِ عَ فِنّ كٍرٍن فبَنسَن نَن دْشْشِ، عَ قِندِ تَشَسِ مِشِ رَ، نَشَن عَ يّتّ شَنِنمَ شَشِلِمَيَ رَ، بِنيّ نَ نَشَن مَ، نَشَن قَتَ شْحّ مَسُشُدٍ، نَشَن قَتَ مِشِ شَرَندٍ.

³عَ مُ لَنمَ عَ شَ قِندِ سِيسِلَ رَ، عَ مُ لَنمَ عَ شَ مَوٌلٍن. عَ لَنمَ نّ عَ شَ قِندِ مِشِ رَ نَشَن لَنيِ قٍنمَ، نَشَن بْحّ شِنبٍلِ، نَشَن مُ مِلَ.

⁴عَ شَ قَتَ عَ يّتّ شَ دٍنبَيَ رَحّرّدٍ، عَ شَ دِيٍ شَ لُ عَ شَ يَامَرِ بُن مَ شُرُي كُي،

⁵بَرِ مَ شَ مِشِ مُ قَتَ عَ يّتّ شَ دٍنبَيَ رَحّرّدٍ، عَ قَ مّينِمَ عَلَ شَ دَنشَنِيَتْي حَمَ مَ دِ؟

⁶عَ نَشَ قِندِ دَنشَنِيَتْي نّينّ رَ دٍ، عَلَكٌ عَ نَشَ عَ يّتّ عِفبٌ، عَ قَ حَشَنكَتّ سْتْ عَلْ عِبُلِسَ عَ سْتْشِ كِ نَشّ.

⁷عَ مَن شَ قِندِ شِلِ قَنيِ كَنيِ نَن نَ دَنشَنِيَتَرٍيٍ تَفِ، عَلَكٌ مِشِيٍ نَشَ يٌ عَ مَ، عَ نَشَ سُشُ عِبُلِسَ شَ فَنتَنيِ رَ.

⁸مِشِ نَشٍيٍ قِندِشِ دَنشَنِيَتْي حَمَ مَلِيٍ رَ، عٍ قَن شَ قِندِ شِلِ قَنيِ كَنيِيٍ نَن نَ. عٍ شَ عٍ مَكُيَ قِلَنكَقُيحَ رَ، عٍ نَشَ سِيسِ، عٍ نَشَ بِرَ كْبِرِ قْشْ رَ يَافِتَرٍيَ كُي.

⁹عٍ شَ عَلَ شَ دَنشَنِيَ مَسٍنيِ رَفَتَ عٍ شَشِلِ قَنيِ كُي.

¹⁰عٍ شَ مَتٌ سِندٍن. شَ عٍ تِنشِن، عٍ نْمَ قِندِدٍ دَنشَنِيَتْي حَمَ مَلِيٍ رَ.

¹¹فِنّيٍ قَن شَ قِندِ شِلِ قَنيِ كَنيِيٍ رَ. عٍ نَشَ قِندِ نَاقِشِيٍ رَ، عٍ شَ قِندِ تَشَسِ مِشِ رَ، عٍ شَ تِنشِن قٍ بِرِن كُي.

¹²دَنشَنِيَتْي حَمَ مَلِيٍ شَ فِنّ كٍرٍن فبَنسَن نَن دْشْ، عٍ شَ عٍ شَ دِيٍ نُن عٍ شَ قْشْي رَحّرّ عَ قَنيِ رَ.

¹³مِشِ نَشٍيٍ دَنشَنِيَتْي حَمَ مَلِمَ عَ قَنيِ رَ، عٍ بِنيّ نُن لِمَنِيَ نَن سْتْمَ عٍ شَ دَنشَنِيَ كُي عَلَ شَ مِشِ سُفَندِشِ عِسَ مَ.

¹⁴ﭑ نَ يِ بَتَاشّ سّبّقٍ نّ عِ مَ، هَلِ ﭑ تٌ لَشِ عَ رَ عَ فبٍ مُ لُشِ ﭑ شَ عِ يِرٍ لِ.

¹⁵شَ عَ سَ لِ ﭑ نَشَ دُفُندِ، عِ شَ عَلَ شَ مِشِيٍ حّرّ كِ قَنيِ كٌلٌن. عَلَ نَشَن نَ نَ، عَ شَ مِشِيٍ لَنشِ عَ شَ دَنشَنِيَتْي حَمَ نَن مَ، نَشَن نَ نْندِ شَ كِنكِ رَ.

¹⁶قٌ وٌن شَ عَ كٌلٌن نّ عَ عَلَ حّرّ كِ سّنبّ فبٌ. عَ فُندٌ مَكّنّنشِ نَن يَ؛ عَلَ شَ مِشِ سُفَندِشِ مَسٍنشِ عَدَ مَ قَتٍ نَن نَ، عَ شَشِلِ نَن تِنشِن. عَ مِنِ نّ مَلٍكّيٍ مَ، عَ كَوَندِشِ حَمَنّيٍ نَن تَفِ. دُنِحَ دَنشَنِيَشِ عَ تَن نَن مَ، عَ تٍشِ نْرّ نَن كُي.