تِمٌتٍ عِِ 3

1

2

3

4

¹عِ شَ عَ كٌلٌن، قٍ شْرْشْييٍ قَمَ نّ دُنِحَ لِدٍ وَشَتِ دْنشْي،

²بَرِ مَ عَدَ مَدِيٍ بِرَ مَ عٍ يّتّ وَشْنقٍ نَن قْشْ رَ، كْبِرِ رَقَنمَ نّ عٍ مَ، عٍ عٍ يّتّ عِفبٌمَ، عٍ لَمَ عٍ يّتّ رَ، عٍ عَلَ رَ سْتْمَ، عٍ عٍ بَرِ مَيٍ مَتَندِ مَ، عٍ قِنسِرِوَلِيَ رَبَمَ، عٍ مُ عَلَ شَ قٍ بِنيَمَ،

³عٍ مُ كِنِكِنِمَ، عٍ مُ دِحّمَ، عٍ مِشِ مَقَلَمَ، عٍ شُرُتَرٍحَ رَبَمَ، عٍ عٍ بٌورٍ تْورْ مَ، عٍ مِشِ قَنيِ شْنمَ،

⁴عٍ مِشِ يَنقَمَ، عٍ بٌفٌنمَ قٍيٍ مَ، عٍ بْحّ فبٌ، عٍ وَشْنقٍ رَقَن عٍ مَ دَنفِ عَلَ شَ قٍ رَ.

⁵عَ لُشِ نّ عَلْ عٍ دِينّ نَن نَبَتُمَ، كْنْ عٍ بَرَ عٍ كٌبٍ رَ سٌ عَ سّنبّ رَ. عِ شَ عِ مَكُيَ نَ مِشِ مْولِيٍ رَ.

⁶عٍ سٌمَ دٍنبَيَيٍ كُي، عٍ قَ فِنّ سّنبّتَرٍيٍ مَبّندُن، نَشٍيٍ قِندِشِ يُنُبِتْييٍ رَ، نَشٍيٍ بِرَ مَ قٍ حَاشِ مْولِ بِرِن قْشْ رَ.

⁷نَ فِنّ مْولِ شَرَنمَ تّمُي بِرِن، كْنْ عٍ مُ قَهَامُي سْتْمَ نْندِ مَ.

⁸نَ مِشِ نَشٍيٍ سٌمَ دٍنبَيَيٍ كُي، عٍ لُمَ نّ عَلْ يَننّسِ نُن يَنبّرّ سِ نَشٍيٍ عَننَبِ مُنسَ مَتَندِ. نَ مِشِيٍ نْندِ قَن مَتَندِ مَ نّ، عٍ شَشِلِ بَرَ كَنَ. عٍ شَ دَنشَنِيَ شْن مُ كُيَمَ.

⁹كْنْ عٍ مُ سِفَمَ يَرٍ سْنْن، بَرِ مَ مِشِ بِرِن قَمَ نّ عٍ شَ دَشُحَ كٌلٌندٍ، عَلْ يَننّسِ نُن يَنبّرّ سِ شَ قٍ نُ كٌلٌنشِ كِ نَشّ.

¹⁰كْنْ عِ تَن، عِ بَرَ ﭑ مَ شَرَنيِ كٌلٌن، ﭑ حّرّ كِ، ﭑ حَنِفٍ، ﭑ مَ دَنشَنِيَ، ﭑ مَ دِحّ، ﭑ مَ شَنُنتٍيَ، ﭑ مَ تُننَبّشِ،

¹¹ﭑ مَ حَشَنكَتّ، عَ نُن ﭑ مَ تْورّ. تْورّ مْولِ مُندُن نَ، ﭑ مُ نَشَن سْتْ عَنتِيْكِ، عِكٌنِيٌن، نُن لِسِتِرٍ؟ حَشَنكَتّ مُندُن مُ ﭑ لِشِ نَا؟ مَرِفِ بَرَ ﭑ نَكِسِ نَ بِرِن كُي.

¹²نْندِ نَ عَ رَ عَ مِشِ نَشَن بِرِن وَ مَ بِرَقٍ عَلَ شَ مِشِ سُفَندِشِ عِسَ شَ سّرِيّ قْشْ رَ، عَ نَ كَنيِ تْورّ سْتْمَ نّ.

¹³كْنْ مِشِ حَاشِيٍ نُن قِلَنكَقُييٍ شَ قٍ كٌبِيٍ شُن نَن تُن لُمَ مَسَ رَ، عٍ قَ بٌورٍيٍ مَدَشُ، عٍ عٍ يّتّ مَدَشُ.

¹⁴عِ شَ عِ شِرِ سّرِيّ رَ عِ نَشَن شَرَنشِ، عِ دَنشَنِيَشِ نَشَن مَ. عِ عَ كٌلٌن عِ نَ سْتْشِ نَشَن نَ.

¹⁵كَبِ عِ دِ مّدِ تّمُي، عِ كِتَابُي سّنِيّنشِيٍ كٌلٌن، نَشٍيٍ نْمَ لْننِ قِدٍ عِ مَ. نَ لْننِ قِندِ مَ كِسِ نَن نَ مِشِيٍ بّ، نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ.

¹⁶كِتَابُي سّنِيّنشِ بِرِن قَتَنشِ عَلَ نَن نَ. عَ قَن شَرَنيِ رَ، عَ قَن يَابِ رَ، عَ قَن مَتِنشِنسٍ رَ، عَ قَن تِنشِنيِ مَسٍنقٍ رَ،

¹⁷عَلَكٌ عَلَ شَ مِشِ شَ نْ وَلِ قَنيِ بِرِن نَبَدٍ.