16 Mixi ɲaaxie mu nɔma xide e mu fe ɲaaxi raba. Xi xɔli mu nɔma e suxude e mu mixi ratantan.
17 Fe ɲaaxi findixi e xa donse nun minse nan na.
18 Tinxintɔɛ xa kira nɔrɔma nɛ, a yanbɛ naiyalanyi raminima nɛ alɔ soge.
19 Kɔnɔ mixi ɲaaxie xa kira luxi nɛ alɔ dimi, e mu fe kolon naxan fama e rabirade.
20 N ma di, i i ɲɛngi sa n ma masenyi xɔn ma, i i tuli mati n ma marasi ra.
21 E mato tɛmui birin, i e ragata i sondonyi kui,
22 barima e findima simaya nan na mixie bɛ, naxee e fahaamuma. E findima yalanyi nan na e fate bɛ.
23 I bɔɲɛ kanta dangife se birin na, barima simaya kelima a tan nan ma.
24 Wule naxa mini i dɛ i, i naxa mixi madaxu i xa wɔyɛnyi ra.
