Taalie 16:23-31 in Susu

²³Xaxilima a ɲɛngi sama a xa masenyi ma, alako lɔnni fanyi xa mini a dɛ kui.

²⁴Wɔyɛn fanyi findixi kumi nan na, naxan xaxili nun fate rayalanma.

²⁵Adama a maɲɔxun nɛ a xa kira fanxi, kɔnɔ a raɲɔnyi a xun tima faxɛ nan na.

²⁶Walikɛ xa kaamɛ nan a tutunma wali ma.

²⁷Fuyante fe ɲaaxi maɲɔxunma nɛ, a xa masenyi mixi gan.

²⁸Mixi kobi gere xɔrɛ isɔxɔma nɛ, naafixi dɛfanmae tagi isoma.

²⁹Mixi kobi a boore ratantanma nɛ, a na ti kira ɲaaxi xɔn ma.

³⁰Mixi naxan tɔnxuma masenma a ya nun a dɛ ra, a wama fe ɲaaxi nde nan nabafe.

³¹Xunsɛxɛ fiixɛ findima binyɛ nan na, naxan sɔtɔma kira tinxinxi xɔn ma.

²³شَشِلِمَ عَ حّنفِ سَمَ عَ شَ مَسٍنيِ مَ، عَلَكٌ لْننِ قَنيِ شَ مِنِ عَ دّ كُي.

²⁴وْيّن قَنيِ قِندِشِ كُمِ نَن نَ، نَشَن شَشِلِ نُن قَتٍ رَيَلَنمَ.

²⁵عَدَ مَ عَ مَحْشُن نّ عَ شَ كِرَ قَنشِ، كْنْ عَ رَحْنيِ عَ شُن تِمَ قَشّ نَن نَ.

²⁶وَلِكّ شَ كَامّ نَن عَ تُتُنمَ وَلِ مَ.

²⁷قُيَنتٍ قٍ حَاشِ مَحْشُنمَ نّ، عَ شَ مَسٍنيِ مِشِ فَن.

²⁸مِشِ كٌبِ فٍرٍ شْرّ عِسْشْمَ نّ، نَاقِشِ دّقَنمَيٍ تَفِ عِسٌمَ.

²⁹مِشِ كٌبِ عَ بٌورٍ رَتَنتَنمَ نّ، عَ نَ تِ كِرَ حَاشِ شْن مَ.

³⁰مِشِ نَشَن تْنشُمَ مَسٍنمَ عَ يَ نُن عَ دّ رَ، عَ وَ مَ قٍ حَاشِ ندٍ نَن نَبَقٍ.

³¹شُنسّشّ قِيشّ قِندِ مَ بِنيّ نَن نَ، نَشَن سْتْمَ كِرَ تِنشِنشِ شْن مَ.