Taalie 15:1-15 in Susu

¹ Yaabi bɔrɔxɔxi mixi bɔɲɛ ragoroma nɛ, kɔnɔ wɔyɛn xɔnɛ tan mixi bɔɲɛ ratema nɛ.

² Xaxilima xa wɔyɛnyi a niyama nɛ xaxili fanyi xa rafan mixie ma, kɔnɔ xaxilitare xa wɔyɛnyi daxuɲa nan tun masenma.

³ Alatala mixi birin matoma, mixi ɲaaxi nun mixi fanyi.

⁴ Wɔyɛn fanyi mixi rayalanma, kɔnɔ wɔyɛn xɔnɛ mixi xaxili tɔɔrɔma nɛ.

⁵ Xaxilitare yoma nɛ a baba xa marasi ma, xaxilima tan na marasi nan suxuma.

⁶ Harige fanyi na tinxintɔɛ xɔnyi, kɔnɔ tɔɔrɛ gbansan nan findima tinxintare sare ra.

⁷ Lɔnnilae xa wɔyɛnyie xaxili fima nɛ mixi ma, kɔnɔ fe fanyi yo mu na lɔnnitaree bɔɲɛ kui.

⁸ Alatala mixi ɲaaxi xa sɛrɛxɛ xɔnma, kɔnɔ a tinxintɔɛ xa duba suxuma nɛ.

⁹ Alatala mixi ɲaaxi xa kira xɔnma, kɔnɔ mixi naxan birama tinxinyi fɔxɔ ra a rafan a ma.

¹⁰ Kira fanyi bɛɲinfe findima ɲaxankatɛ nan na. Xurutareɲa mixi xun tima faxɛ kira nan ma.

¹¹ Alatala to fe birin kolon, hali naxan nabama aligiyama nun yahannama, a ibunadama bɔɲɛ fan kolon.

¹² Yɛtɛ igboe mu wama marasi xɔn ma, a mu sigama lɔnnila yire.

¹³ Bɔɲɛ sɛɛwaxi mixi lahalɛ fanma, kɔnɔ bɔɲɛ tɔɔrɔxi mixi lahalɛ kanama nɛ.

¹⁴ Xaxilima lɔnni nan fenma, kɔnɔ xaxilitare daxu wɔyɛnyi nan tun falama.

¹⁵ Hali misikiinɛ tɔɔrɔ a xa simaya kui, xa a bɔɲɛ sɛɛwaxi, na findima nɛ baloe ra a bɛ.

¹ يَابِ بْرْشْشِ مِشِ بْحّ رَفٌرٌ مَ نّ، كْنْ وْيّن شْنّ تَن مِشِ بْحّ رَتٍمَ نّ.

² شَشِلِمَ شَ وْيّنيِ عَ نِيَمَ نّ شَشِلِ قَنيِ شَ رَقَن مِشِيٍ مَ، كْنْ شَشِلِتَرٍ شَ وْيّنيِ دَشُحَ نَن تُن مَسٍنمَ.

³ عَلَتَلَ مِشِ بِرِن مَتٌمَ، مِشِ حَاشِ نُن مِشِ قَنيِ.

⁴ وْيّن قَنيِ مِشِ رَيَلَنمَ، كْنْ وْيّن شْنّ مِشِ شَشِلِ تْورْ مَ نّ.

⁵ شَشِلِتَرٍ يٌمَ نّ عَ بَبَ شَ مَرَ سِ مَ، شَشِلِمَ تَن نَ مَرَ سِ نَن سُشُمَ.

⁶ هَرِفٍ قَنيِ نَ تِنشِنتْي شْنيِ، كْنْ تْورّ فبَنسَن نَن قِندِ مَ تِنشِنتَرٍ سَرٍ رَ.

⁷ لْننِلَيٍ شَ وْيّنيِيٍ شَشِلِ قِمَ نّ مِشِ مَ، كْنْ قٍ قَنيِ يٌ مُ نَ لْننِتَرٍيٍ بْحّ كُي.

⁸ عَلَتَلَ مِشِ حَاشِ شَ سّرّشّ شْنمَ، كْنْ عَ تِنشِنتْي شَ دُبَ سُشُمَ نّ.

⁹ عَلَتَلَ مِشِ حَاشِ شَ كِرَ شْنمَ، كْنْ مِشِ نَشَن بِرَ مَ تِنشِنيِ قْشْ رَ عَ رَقَن عَ مَ.

¹⁰ كِرَ قَنيِ بّحِنقٍ قِندِ مَ حَشَنكَتّ نَن نَ. شُرُتَرٍحَ مِشِ شُن تِمَ قَشّ كِرَ نَن مَ.

¹¹ عَلَتَلَ تٌ قٍ بِرِن كٌلٌن، هَلِ نَشَن نَبَمَ عَلِفِيَمَ نُن يَهَننَمَ، عَ عِبُنَدَ مَ بْحّ قَن كٌلٌن.

¹² يّتّ عِفبٌي مُ وَ مَ مَرَ سِ شْن مَ، عَ مُ سِفَمَ لْننِلَ يِرٍ.

¹³ بْحّ سّيوَشِ مِشِ لَهَلّ قَنمَ، كْنْ بْحّ تْورْشِ مِشِ لَهَلّ كَنَمَ نّ.

¹⁴ شَشِلِمَ لْننِ نَن قٍنمَ، كْنْ شَشِلِتَرٍ دَشُ وْيّنيِ نَن تُن قَلَمَ.

¹⁵ هَلِ مِسِكِينّ تْورْ عَ شَ سِمَيَ كُي، شَ عَ بْحّ سّيوَشِ، نَ قِندِ مَ نّ بَلٌي رَ عَ بّ.