14אשרי אדם מפחד תמיד ומקשה לבו יפול ברעה׃
15ארי נהם ודב שוקק משל רשע על עם דל׃
16נגיד חסר תבונות ורב מעשקות שנאי בצע יאריך ימים׃
17אדם עשק בדם נפש עד בור ינוס אל יתמכו בו׃
18הולך תמים יושע ונעקש דרכים יפול באחת׃
19עבד אדמתו ישבע לחם ומרדף רקים ישבע ריש׃
20איש אמונות רב ברכות ואץ להעשיר לא ינקה׃
21הכר פנים לא טוב ועל פת לחם יפשע גבר׃
22נבהל להון איש רע עין ולא ידע כי חסר יבאנו׃
23מוכיח אדם אחרי חן ימצא ממחליק לשון׃
24גוזל אביו ואמו ואמר אין פשע חבר הוא לאיש משחית׃
25רחב נפש יגרה מדון ובוטח על יהוה ידשן׃
26בוטח בלבו הוא כסיל והולך בחכמה הוא ימלט׃
27נותן לרש אין מחסור ומעלים עיניו רב מארות׃
מִשְׁלֵי 28
מִשְׁלֵי 28:14-27