5מחשבות צדיקים משפט תחבלות רשעים מרמה׃
6דברי רשעים ארב דם ופי ישרים יצילם׃
7הפוך רשעים ואינם ובית צדיקים יעמד׃
8לפי שכלו יהלל איש ונעוה לב יהיה לבוז׃
9טוב נקלה ועבד לו ממתכבד וחסר לחם׃
10יודע צדיק נפש בהמתו ורחמי רשעים אכזרי׃
11עבד אדמתו ישבע לחם ומרדף ריקים חסר לב׃
12חמד רשע מצוד רעים ושרש צדיקים יתן׃
13בפשע שפתים מוקש רע ויצא מצרה צדיק׃
14מפרי פי איש ישבע טוב וגמול ידי אדם ישוב לו׃
15דרך אויל ישר בעיניו ושמע לעצה חכם׃
16אויל ביום יודע כעסו וכסה קלון ערום׃
מִשְׁלֵי 12
מִשְׁלֵי 12:5-16