24האלהים רוח הוא והמשתחוים לו צריכים להשתחות ברוח ובאמת׃
25ותאמר אליו האשה ידעתי כי יבא המשיח הנקרא כריסטוס הוא בבאו יגיד לנו את כל׃
26ויאמר אליה ישוע אני הוא המדבר אליך׃
27ויהי הוא מדבר ככה ותלמידיו באו ויתמהו על דברו עם אשה אך לא אמר לו איש מה זה תשאל או מה תדבר עמה׃
28ותעזב האשה את כדה ותלך העירה ותאמר אל האנשים׃
29באו וראו איש אשר הגיד לי כל אשר עשיתי הכי זה הוא המשיח׃
30ויצאו מן העיר ויבאו אליו׃
31טרם יבאו ותלמידיו בקשו ממנו לאמר אכל נא אדני׃
32ויאמר אליהם יש לי אכל לאכל אשר אתם לא ידעתם׃
33ויאמרו התלמידים איש אל רעהו הכי הביא לו איש לאכל׃
ג'ון 4
ג'ון 4:24-33