ЭКЛЕЗІЯСТА 8:5-8

⁵Хто выконвае запаведзь, той не зазнае нічога ліхога. Сэрца мудрага ведае час і ўправу;

⁶бо на ўсякую рэч ёсьць свая пара і ўправа; а чалавеку вялікае ліха з таго,

⁷бо ня ведае ён, што будзе; і як яно будзе - хто скажа яму?

⁸Чалавек ня мае ўлады над духам, каб дух утрымаць, і няма ў яго ўлады над сьмертнай часінай, і няма збавеньня ў гэтым змаганьні, і не ўратуе бязбожнасьць бязбожніка.