ЛЯВІТ 25:36-42

³⁶не бяры зь яго ліхвы і прыбытку і бойся Бога твайго; каб жыў брат твой з табою;

³⁷срэбра твайго не аддавай яму ў ліхву і хлеба твайго не аддавай яму дзеля прыбытку.

³⁸Я Гасподзь, Бог ваш, Які вывеў вас зь зямлі Егіпецкай, каб даць вам зямлю Ханаанскую, каб быць вашым Богам.

³⁹Калі зьбяднее ў цябе брат твой і прададзены будзе табе, дык ня ўскладвай на яго працы рабскай:

⁴⁰ён павінен быць у цябе як найміт, як пасяленец; да юбілейнага года няхай працуе ў цябе;

⁴¹а тады няхай адыдзе ён ад цябе, сам і дзеці ягоныя зь ім, і вернецца ў род свой і ўступіць зноў у валоданьне бацькоў сваіх, -

⁴²бо яны - Мае рабы, якіх Я вывеў зь зямлі Егіпецкай: нельга прадаваць іх, як прадаюць рабоў;