ЛЯВІТ 24:5-19

⁵І вазьмі пшанічнай мукі і сьпячы зь яе дванаццаць хлябоў; у кожным хлебе павінны быць дзьве дзясятых эфы;

⁶і пакладзі іх у два рады, па шэсьць у рад, на чыстым стале прад Госпадам:

⁷і пакладзі на кожны рад чыстага лівану, і будзе гэта пры хлебе, у памяць, у ахвяру Госпаду;

⁸у кожны суботні дзень заўсёды трэба класьці іх перад Госпадам ад сыноў Ізраілевых: гэта наказ вечны;

⁹Яны будуць належаць Аарону і сынам ягоным, якія будуць есьці іх на сьвятым месцы, бо гэта вялікая сьвятыня ім з ахвяраў Гасподніх: гэта пастанова вечная.

¹⁰І выйшаў сын адной Ізраільцянкі, які нарадзіўся ад Егіпцяніна, да сыноў Ізраілевых, і пасварыўся ў табары сын Ізраільцянкі зь Ізраільцянінам;

¹¹ганіў сын Ізраільцянкі імя Госпада і ліхасловіў. І прывялі яго да Майсея;

¹²і пасадзілі яго пад варту, пакуль ня будзе абвешчана ім воля Гасподняя.

¹³І наказаў Гасподзь Майсею сказаць:

¹⁴выведзі ганьбоўца прэч з табару, і ўсе, хто чуў яго, няхай пакладуць рукі свае на галаву ягоную, і ўсё супольства пабэе яго камянямі;

¹⁵і сынам Ізраілевым скажы: хто будзе ліхасловіць Бога свайго, той панясе грэх свой;

¹⁶і ганьбовец імя Гасподняга павінен памерці, камянямі пабэе яго ўсё супольства: хай тое прыхадзень, хай тубылец пачне ганіць імя, аддадзены будзе сьмерці.

¹⁷Хто забье якога-небудзь чалавека, той аддадзены будзе сьмерці.

¹⁸Хто забье быдла, павінен заплаціць за яго, быдла за быдла.

¹⁹Хто зробіць шкодзіну на целе блізкага свайго, таму трэба зрабіць тое самае, што ён зрабіў: