1Lekeza nene lova leta lava leta iki lova hiziaká niamómámini mogonamú lo likimitoze, gililo. Lukugupémini lukumu heleaká netalÃmo likigikagú vo alekago lova utó oaká noive.
2Lá iake, lukumu hili netá nene alitupe liki amuza milaha milaha alemake vegená visilikimiaká niave. Netá matá ánigi lamaná iki ali likigizakú inamake lova napa hiziaká niave. Netá matakumú Ómasiloka voká lamanazo, alisá amave.
3Itó netá makokumú Ómasiloka voká likamóza, likigika hee loko minamitita lekeza lukugupémo amu heleaká noi netakumukó gopa Ómasiloka liaká nianazo, ÓmasÃmo lekememinogo ive.
4Gumesisiló vegenalita monó gelema vegenalite giliaká niamó nenémini iki laga likivisiti netakumukó gilitamó nene, ÓmasÃmini gala veva lilà itave liki gelemahe. Monóini nomi vegená kumu heleaká noi netakumukó likivisitimó nene, ÓmasÃmini vegenala minaminigave.
5ÓmasÃmo monó gotolaú nene nenà Sikalahú kigikagú moloketumó nene hanuvamú ahulotamuve, netá golesa alitahe loko gizapa itive loko ahulotonouve loko limó.
6Lá onoimóza, lumu heleaká netá golesa gili ahulatave loko nasahilà oletoko hize lé olimiaká noive. Nenemú monó gotolaú ÓmasÃmo kugupe ali otiaká nia vegenalitini lukesa akeleaká noive, itó limiki mina vegenalitini lukesa hize lé okimiaká noive loko lonoimóma neve.
7Lekeza Ómasiloka gÃmiziiki aà amakuka limiki minalo. Satani visilitatamó nene, golisi inogo ive.
8Itó ÓmasÃmini avogisaló vi alitatamó nene, eza ámina oko lokovogisaló omo alitanogo ive. Golesa netatini nene ahulalo. Vitupe atupe liki vénehekánehé nilamó nene ahuliiki likigika nagamà zilo.
9Lekeza mogonatitoka giliki miluma giliki ive iki niviki likigika hizino. Giza iki lokogoliza vizeaká netatotà ive iki miluma giliaká netatini utó ino.
10GuivahanÃmini avogisaló limiki minikikoma lekelémo otinogo ive.
11Nigivénegita, lekezatinimú alivi letivi iki gakó golesa lamilo. Makó eza agivelahinimú gakó golesa lomikiko lihima molotatimó nene ÓmasÃmo lo huka gakokumú gakó golesa loko aleko letamó gilinogo ive. Geza nene ÓmasÃmo lo huta gakó aleko letatanimó nene, gele alemoko aleko letoko gakó gihila nomive loko litanimóza,
12ÓmasÃmo ezáagó lo huka gakó ale utó oake gakó akó loko gona mololetanogo ive. Ezáagó lugutó vizitimó neve, itó lelémo tolova itimó neve. Lá noiko nene vegenalitini mogonataganamú lotuva legeaká nene lekelà hoza nomive.
13Lekeza nene itÃnahe azohe apá makotoka vinake kilisimasi hamó minokinake, hoza alinake henoni ale utó itune liki liaká nia vegenalita nene gakó makó lo likimitoze.
14Azo utó iti netá nene lekeza gilinake nilahe, olile. Lekelisi nene miniki aliki niamó nene ló lokilagitana neve. Ló lokila notike notike vegenalite gamena lagasó ánigikago litá oko asú oaká noive.
15Nenemú ÓmasÃmo giliko lamaná noikoma nene, minoko aleko oko moloko itune liki lilo.
16ItÃna nene, iki miliki ita netakumú lukugupe aliki itiaká niamó nenémo etamive.
17Makó keza netá lamaná alitune liki gilinita netá lilà amitamó nene, lihima alinigave.