Zebur 97:3-10

³Uning aldida ot yalquni yüridu, Etraptiki düshmenlirini köydürüp tashlaydu;

⁴Uning chaqmaqliri jahanni yorutti, Yer buni körüp titrep ketti;

⁵Perwerdigarning aldida, Pütkül zéminning igisining aldida, Taghlar momdek érip kétidu.

⁶Asmanlar Uning heqqaniyitini jakarlaydu, Barliq xelqler Uning shan-sheripini köridu.

⁷Oyma heykellerge choqun'ghanlar, Butlar bilen maxtinip yürgüchilerning hemmisi uyatta qalidu. Barliq ilahlar, Uninggha sejde qilinglar!

⁸Séning hökümliring sewebidin, i Perwerdigar, Zion anglap shadlandi, Yehuda qizliri xush boldi.

⁹Chünki Sen Perwerdigar pütkül yer yüzi üstidiki eng aliysidursen; Sen barliq ilahlardin neqeder yuqiridursen!

¹⁰Perwerdigarni söygenler, yamanliqtin nepretlininglar! U mömin bendilirining jénidin xewer alidu, Rezillerning changgilidin xalas qilidu.