Zebur 94:2-16

²Kötürülgin, Özüngni kötürgin, i jahanni Soraq Qilghuchi, Meghrurlargha jazasini bergin!

³Qachan'ghiche reziller, i Perwerdigar, Qachan'ghiche reziller tentene qilip yüriwéridu?

⁴Qachan'ghiche hakawurlarche sözlep walaqshiydu, Qebihlik qilghuchilarning hemmisi yoghan gep qilip yüridu?

⁵Ular xelqingni ézidu, i Perwerdigar, Séning mirasinggha jebir-japa salmaqta.

⁶Tul ayal we ghérip-musapirlarni qirip, Yétim-yésirlerni öltürüp: —

⁷«Yah körmeydu», «Yaqupning Xudasi köngül bölmeydu», — deydu.

⁸Siler köngül qoyunglar, i elning hamaqetliri! Exmeqler, qachan dana bolisiler?

⁹Qulaqni tikligüchining Özi anglimamdu? Közni Yasighuchining Özi körmemdu?

¹⁰Ellerni terbiyiligüchi, Insan'gha eqil-bilim ögetküchining Özi ademni eyiblimemdu?

¹¹Perwerdigar insanning oy-xiyallirining tutami yoqluqini bilidu.

¹²Sen terbiyiligen adem bextliktur, i Yah, Yeni Sen Tewrat-qanunungdin eqil ögitidighan kishi bextliktur!

¹³Shundaq qilip, taki pasiqlar üchün orek kolan'ghuche — Sen uni yaman künlerdin xatirjem saqlaysen.

¹⁴Chünki Perwerdigar Öz xelqini terk etmeydu, Yaki Öz mirasidin waz kechmeydu.

¹⁵Chünki höküm-perman hoquqi haman adaletke qaytidu, Barliq dili duruslar bolsa, uning keynidin mangidu.

¹⁶Men üchün yamanlar bilen qarshilishishqa kim ornidin turidu? Men üchün qebihlik qilghuchilar bilen qarshilishishiqa kim meydan'gha chiqidu?