Zebur 83:2-16

²Chünki mana, Séning düshmenliring dawrang qilmaqta, Sanga öchmenler bash kötürmekte.

³Ular quwluq bilen Séning xelqingge suyiqest qilidu, Séning himaye qilip qedirligenliring bilen qarshilishishni meslihetlishidu.

⁴Ular: — «Yürünglar, ularni millet qataridin yoq qilayli! Israilning nami ikkinchi tilgha élinmisun!» — démekte.

⁵Ular hemnepes, hemdil meslihetleshti; Ular Sanga qarshi ittipaq tüzdi.

⁶Mana, Édom we Ismaillarning chédirliri, Moab hem Hagriylar;

⁷Gebal, Ammon, we Amalek; Filistiye hemde Tur ahaliliri,

⁸Asuriyemu ulargha qoshuldi; Ular Lut oghullirigha yar-yölek bolup kelgen. Sélah.

⁹Sen Kishon deryasida Midiyaniylargha, Siséragha we Yabin'gha qandaq taqabil turghan bolsang, Ularghimu shundaq qilghaysen;

¹⁰Bular En-Dor yézisida qirilghanidi, Yer üchün tizek-oghutqa aylan'ghanidi.

¹¹Ularning emirlirini Oreb we Zéebke, Ularning dahiylirini Zebah hem Zalmunnagha oxshash qilghaysen;

¹²Chünki ular: «Xudaning chimen-yaylaqlirini özimizge mülük qiliwalayli!» — dep éytqan.

¹³I Xudayim, ularni domilinidighan qamghaqtek, Shamalda uchurulghan saman kebi soruwetkeysen.

¹⁴Ot ormanliqqa tutashqan'gha oxshash, Yalqun taghlarni köydürgen'ge oxshash,

¹⁵Sen yene ularni borining bilen qoghlighaysen, Qara quyuning bilen wehimige salghaysen;

¹⁶Ularning Séning namingni izdishi üchün, Ularning yüzlirini sherm-haya bilen chömdürgeysen, i Perwerdigar!