Zebur 26:3-12

³Chünki özgermes muhebbitingni köz aldimda tutqanmen; Men heqiqitingni özümge yétekchi qilip mangdimmen.

⁴Men yalghanchilar bilen hemdastixan olturmidim; Saxtipezlerge hemrah bolushqa kirmeymen.

⁵Yamanliq qilghuchilar jamaitidin yirginimen; Reziller bilenmu olturmaymen.

⁶Qollirimni gunahsizliqta yuyimen; Shunda, qurban'gahingni aylinip yüreleymen.

⁷We hem teshekkürlerni anglitimen; Barliq karametliringni jakarlaymen.

⁸I Perwerdigar, makaning bolghan öyni, Shan-sheriping turghan jayni söyüp keldim;

⁹Jénimni gunahkarlar bilen, Hayatimni qanxorlar bilen bille élip ketmigeysen;

¹⁰Ularning qolida suyiqestler bardur, Ong qoli parilerge toldi.

¹¹Men bolsam, durusluqumda méngip yüriwérimen; Méni hörlükke chiqirip qutquzghaysen, Manga méhir-shepqet körsetkeysen.

¹²Putum bolsa tüptüz jayda turidu; Jamaetler arisida turup Perwerdigargha teshekkür-medhiyiler qayturimen.