9 O, heyvanlara yem verər, Çığırışan quzğun balalarını yemlər.
10 O, güclü atlardan zövq almaz, Qüvvətli addımlardan razı qalmaz.
11 Amma Rəbb Ondan qorxanlardan, Onun məhəbbətinə ümid bağlayanlardan razı qalar.
12 Ey Yerusəlim, Rəbbi mədh et! Ey Sion, Allahına həmd et!
13 Çünki darvazalarının cəftələrini bərkidər, Sənin əhalinə bərəkət verər.
14 Sərhədinə əmin-amanlıq, Sənə doyunca əla taxıl yetirər.
