102 Hökmlərindən dönməmişəm, Çünki məni Sən belə öyrətmisən.
103 Vədlərin damağıma necə də ləzzət verir! Onlar dilimdə baldan şirindir.
104 Qayda-qanunlarına görə dərrakəliyəm, Buna görə hər yanlış yola nifrət edirəm.
105 Sözün addımıma çıraqdır, Yollarıma işıqdır.
106 Ədalətli hökmlərinə bağlı qalmaq üçün and içmişəm, Yerinə yetirəcəyəm.
107 Ya Rəbb, nə qədər əzab çəkmişəm! Öz sözünə görə həyatımı qoru.
108 Ya Rəbb, sidq ürəkdən etdiyim həmdi qəbul et, Mənə Öz hökmlərini öyrət.
109 Həyatım daim təhlükəyə düşdü, Amma qanununu unutmadım.
