Zân 7:41-46

⁴¹Âpme am notnaŋaŋ pigok zewien, “An kapi penaŋ Kilais Kawawaŋaŋ ikŋaŋ ombempeme kokogat zeye.” Zeme am notnaŋaŋ zewien, “Kilais ek Galili msalen kapi ku sokbembeyet zenzeŋaŋ?

⁴²Kawawaŋgalen Zet Itnaŋanen zet pigok zenzeŋaŋ, ‘Kilais ek amobotnaŋ Dewitgat sokŋaŋ keyepmti egaŋ Dewitgalen mka ŋotakŋan Beteleem sokbembeyet zenzeŋaŋ.’”

⁴³Am ekŋenaŋ Zisasiyet zet kegok zemti ilinak kalaŋbien.

⁴⁴Mti am notnaŋ ekŋenaŋ Zisas atamti met mka katikŋan pesât mbienaŋgut belak peme tage.

⁴⁵Âpme sesewat mka temaŋgalen antipdakutum zemindeme mebien ekŋenaŋ naman belak etaŋ gilik zemti Palisi ma sâpe sâpe bumbu ekŋengalen an ŋeŋaŋ ekŋenmagen mepme indikti ekŋenaŋ pigok indayaŋkwesiwien, “In zigogat Zisas wawapiŋ belak pi kolip?”

⁴⁶Indayaŋkwesime ekŋenaŋ zewien, “Egaŋ zet manzein kegok ke an ŋenaŋ zet keboŋ penaŋ ŋen ŋep ku zenzeyelen keyepmti nâmtemtem mti ku atan kotnup.”