Yum̃aena Lala 12:10-11

¹⁰Ana lalua apa m̃a sane, lalua amiyuve mratava na sumo nap̃a yaru na mara sike ea, lalua apa m̃aga amiyuve m̃ena ga mratava nalua nap̃a yaru na mara sike ea, ana lalua apimi atol pulutava maro na keviu nap̃a mrapa na vaen vanua vetan yum̃a nakoaena. Pupia pulutava nene la amiyum̃aen e pototo, ana pogos nap̃a lalua apimi lavisinia, pupia pulutava nene naga ga pietava, ana lalua ap̃aro apa vanua. Lalua amialoro la ga e mrapa apa sane, ana Pita milan ga, navisi nene mligan ke naga veraga, ana Pita naga ga taaga sike na.

¹¹Ana e ke e pogos ga nene, Pita pisu kilale ya nap̃a navisi nene kila ke pania, ana naga pisape “!Aulai! !Lelaga kemua nap̃ane! Nekilia narui, nap̃a nesape Ntewa naga mligan kiena navisi nene pimi vena vinaunlua inu vetan limana ne Erot, a vena tarlua inu vetan suri viowa la nap̃a le Israel lala la asum̃a asitom ke asape akila van inu.”