Yuhanna 6:29-38

²⁹Iisaa jaabii ɓe: —Golle mo Laamɗo yiɗi oo woni ngoonɗinon mo o neli oo.

³⁰Ɓe njaabii mo: —Haaynde honde ngaɗataa faa min njiya, min ngoonɗine? Koɗum ngollataa?

³¹Njaatiraaɓe amen ɲaamii ɲaamdu wiyeteendu «maanu» ley ladde jeereende, hono no winndiraa nii: «O hokkii ɓe ɲaamdu iwrundu dow kammu faa ɓe ɲaama.»

³²Iisaa jaabii ɓe: —Miɗo haalana on goonga: wanaa Muusaa hokki on ɲaamdu iwrundu dow kammu. Ko selli hen dee, Baabiraaɗo am kaɲum woni dokkoowo on ɲaamdu goongaraaru iwrundu dow kammu.

³³Sabi ɲaamdu ndu Laamɗo hokkata nduu woni iwrooru dow kammu, hokkooru aduna oo nguurndam.

³⁴Ɓe mbii mo: —Moobbo, hokku min ɲannde fuu nduun ɲaamdu.

³⁵Iisaa wii ɓe: —Miin woni ɲaamdu wuurnooru. Garɗo e am fuu, yolbataa abada. Goonɗinɗo kam fuu ɗomɗataa abada.

³⁶Mi wii on: on njii kam, kaa on ngoonɗinaali.

³⁷Mo Baabiraaɗo hokki kam fuu, waran e am. Garɗo e am fuu, mi ribbataa ɗum.

³⁸Sabi wanaa faa mi waɗa sago am iwru-mi dow kammu, faa mi waɗa sago nelɗo kam oo.