Yuhanna 4:3-10

³Nde Iisaa nannoo ko haalanoo e mum koo ndee, iwi leydi Yahuudiya, wirfitii leydi Galili,

⁴kinaa o seeka leydi Samariya.

⁵O wari e ngalluure Samariya wiyeteende Sikar bannge ngesa nga Yaakuuba hokkunoo ɓiyum Yuusufu ngaa.

⁶Ɗon ɓunndu Yaakuuba nduu woni. Iisaa jooɗii daande ɓunndu nduu faa ŋoottinoo. Ɗum forrii e wakkati hakkunde naange.

⁷Samariyanke debbo wari ƴoogude. Iisaa wii mo: —Hokkam ndiyam, mi yara no!

⁸Tawi taalibaaɓe makko ɓee njehii to ngeenndi too soodoyde ɲaamdu.

⁹Debbo oo wii Iisaa: —Haa! Hono aan, Yahuudiyanke, ɲaagorto-ɗaa kam miin, Samariyanke, ndiyam njaraa? (Sabi Yahuudiyankooɓe e Samariyankooɓe yo harmondirɓe.)

¹⁰Iisaa jaabii mo: —Sinndo aɗa anndunoo no dokke Laamɗo poti e oon biiɗo ma ndokkaa ɗum ndiyam yara oo, a ɲaagotono mo, o hokke ndiyam nguurndam njaraa.