Yuhanis 9:6-9

⁶Yesus aa hidi ela kon, Un les kapen laok se dale ka, hidim paun le muang laok se atuling tedo na mata ka.

⁷Un hidan noan, “Ku laok ui in nangen Siloam mua, le laul ku silam ma se lua.” (Se dais Ibranin nam, Siloam ma nahin na noan, ‘tunang maa’) Kon nam, atuling tedo na lako lalu-boe sila ka se lua. Nikit un laul hidi sila ka kon, un mata ka neta! Ti un pait uma.

⁸Kon atuil in uma dadani nol atuling na ngas keket apa noan, “Hoe! Ni atuling tedo man hmunan nu daad le nodan-nodan tuun na, ta lo?” Oen aa ela, lo oen tanan le hmunan nu un tedo.

⁹Atuil tenga las tek noan, “Hao! Na un son na!” Atuil tenga las pait tam tek noan, “Loo! Un sila ka el atuling na tuun, mo un na lo!” Mo atuling na esa tekas noan, “Loo! Auk niang son niang! Man hmunan nu tedo ka!”