33 Le kumata be tool i Maro iwanga la isi ngan tiap nga, ngan matin nga le iyei so yo nen, nga tiap.”
34 Iwete nen, motong la di Paresi tiraua betanga ki nen, “Ong in ye kene yo tinam ipasui ong ye in nga, ngan kupa ye noonoo la kusi nga. E nga yelei, be kupatomonai am, too?” Motong la di Paresi tina ngan tigunkala le ke be ilo rumu kidi Yuda ke gaongo in lono lo iye di tigaua mulu tiap.
35 Yesu ilongo betanga ke so tina yo pombe ye tool tani nga, le nga la ipuske, motong la iwete panga nen, “Ai, kutara lom medana pang Tool Moolmool ke Maro, too tiap?”
36 Motong la tool tani itoru nen, “Tool mai, atorong, Tool Moolmool ke Maro, in sei? Oo, kuweta pau a nen ngan atara lok medana panga.”
37 Tool tani in iwete nen, motong la Yesu iyei ne, “Tool yo nookoot kumata i, in ya tani naii la iwetewete pong i.”
