Yoohanee 9:23-29

²³Mi-ufánara afu dimbárana ánoofa ákoofa dóo faiqímmifoo narí iraaqée qiqau. Misára rufíasee miqí qiqau.

²⁴Yuda máqannaa úriqararausa miná iriséeqa áfu dimbárana kafáa áaramásee qiqau. Anée Ánutuna áfusaa kúqaa ánoona úfa kai maasá qímannimia. Aní áfu máqaifa mifá mandáinaina máree marífa máridanoo.

²⁵Áfu dimbárafa miná iriséenoo qímanniminau. Mi-fasiqáfa mandáinaina máree marí fee sía qinée miná óosana íridaqa. Moodáa ainainará kai qinée íridaqa qinée qífu dimbárausa máriafanausa maqee qiní qífu máqee márifaqa máridaqa minára kai qinée ámiqimasee íridaqa.

²⁶Misá miná iriséeqa kaifáa irámmiriqa qiqau. Mi-fasiqáfa nána ainainee áuqu ámifanoo aní áfu máqeenoo fee.

²⁷Áfu qimbárafa níqinoo qinau. Dóo fáasai qímannimisáunaqa sía írimariafanoo. Nánaree ínnee kaifáa qía̱na írifaree ínnee faqee miná faiqinámukifaree.

²⁸Misá miná iriséeqa áanoomasee miná áqiqa qiqau. Anée mi-fasiqána ufa írimarianafa máriananoo. Maasá Mooseena ufa írimarunausa máridaqa.

²⁹Ánutufa Mooseenannái maasá qímaqimufaqa maasá íridaqa. Mi-fasiqáfa Yísunara maasá sía miná óosanara íridaqa.