3 Təfɑɑ kɛ ɩ́ lɑkənɑ ɩsɑɣɑtʋ kɛ tɛtʋ tɔɔ, nɑ ɩ́ lɑkɩ mʋsʋŋ.
4 Hɑtoo ɑsɑɣɑɑ hɔɔʋ tɛɛ kɛ́ pɑ wɑkəlɑɑ, nɑ pɔpɔtʋnɑɑ nɑ́ɑ́ leki nɑ pə́cɔ pɑ lɩɩkɩ pɑ toonɑɑ lotu tɑɑ.
5 Pɑ wɛ sɔtʋ kɛ́ ɩsɩɩ tʋmɑɑ, yɑɑ ɩsɩɩ pɑɑsəlɛ ntɑm wei ɩ təkəɣɩ ŋkpɑŋŋ tɔ.
6 Ɩsɩɩ pɑɑsəlɛ nte tɩɩ nɩɩkɩ tʋʋ yontu tɔ, pɑɑ tʋwɑɑ tɑɑ ɑkɑ.
7 Hɑɩ, Ɩsɔ holi pɑ kelɑ kɛ pɑ nɔɔsɩ tɑɑ, Tɑcɑɑ yɔkɩ tɔɣɔlɑsɩ tɑmɑsɩ.
8 Pɑ́ mʋkɩ yem ɩsɩɩ lʋm kpeŋuɣu tɔ. Ye pɑ tɔ nɔɣɔlʋɣʋ nyəmɑ́, ɑ́ pəsɩ kpɛtɛ.
9 Pɑ́ sɩ nɑ pɑ́ yɔɔlɩ yem ɩsɩɩ ɑtɑntɑɑlʋ. Nɑ pɑ́ wɛɛ ɩsɩɩ pə hɔləsʋɣʋ pəyɑɣɑ, nɑ kɑ́ tɑ́ keesi ilim tɔ.
10 Pɑ sɔwɑ́ tɩɩŋ kɑɑ lɑ hɔtʋ, nɑ pə́cɔ Ɩsɔ kpɛsɩ-ɩ ɩsɩɩ kɑcuculɑɣɑ, pɑɑ ɑ wʋlɑɑ yɑɑ ɑ́ nɑ ɑ lʋm, pə tɑ kʋ pʋlʋ.
11 Yʋlʋpɑŋ lɑŋlɛ kɑ́ hʋlʋmɩ wɑɑtʋ wei Ɩsɔ kɑ́ lɛɛtɩ ɑsɑɣɑɑ tɔ ɩnɩ ɩ kɑ́ tɔ pɑ cɑləm tɑɑ.
