Yon 6:28-32

²⁸Ende qamara wuri qamamir: “In maigas at Qenu sarau eng obouboun?”

²⁹Ne Yisas qamar: “Qenu an sarau abar qamb qenungar eng ete: Wo munon imuriamor end mom wot oabigar qamb an qenungar igo. Ende obounon eng wonou sarau apand abari ende animbag an qenungariba.”

³⁰Ende qamara wuri bo taui qamamir: Ende gab eng ne mi wes ger maigas aba dibenara in gab net oabiguboun? Ne meimi sarau ebeiban?

³¹Qoan ir ininou tonoanb seger ai end qib igo ne mana numirei. Eng Munon aib qob ete qamb gumatemirei igama wanunger igoun: “Qenu wonou ginamt end mani parau biga dara numirei.”

³²Ende qamarari Yisas taui qamar: “Segagam aninob quraum, mani parau eng Moses weriser eng Qenu ginamt end me darau, ue. A mani parau tain wonou ginamt imurima anit der igo eng mani parau apand. An nub qenen igomot igoruboumon.”