Yokanatkalune Kamrure 13:36-42

³⁶“Gi rixanu Tawi galikakni gigogne gajene gipxaka. Rali gipxakletinitkana, rapnanutatka. Rutsrukatenni yegi rutaaka. Rujpaganatka.

³⁷Ga wa Wale Goyakalu yotunkakanru gi gijpaga.

³⁸“Giyagni jejine, nomolene, gimatanru runkakletka gixa chinanu kaspuka mukochiretikolu Waleya.

³⁹Moysisi Tokanu Yokanatkaluruya gi gimkata ptowruyako muklukanuwnakaakone gixletna yine, ga wa Gesoya ptowruyako muklukanuwnakaakonetka rixinritkana pejnuruneko galixachine.

⁴⁰Giyagni getinwa ma munyegitinitipgi wa tokanchi geneklewatachine chinyawaka:

⁴¹Getanu kgeyikaklerune. Giglajitanu. Gisuptaganuna. Gi rixanu kamrurchi nkamrutanu gixagogneklu. Kamrurchi satumka ginkakpokowakatangi gi galixanru.”

⁴²Goteyone ginkaklewawaklepji rushpakinitkana Pawlo ga wa Wirnawisi, payine gagjitna tujra gapnanutikalurgogne runkaklewyegitikolupna tyepirana.