Yohanis 8:5-13

⁵Tuir Ukun-badu Bei Musa, ‘Ema mak nakur biti-kluni musti kona ukun kastikar tuda hodi fatuk toꞌo mate.’ Dadi tuir Ama, nunabee?”

⁶Ema nia sia nusu nunia, tan sia nakara nahonu Yesus. Mais Yesus la nataa kedas. Nia natuꞌu, nodi liman fuan nakerek baa rai.

⁷Sia nusu Nia bei-beik, foin Nia nariik, nodi katak baa sia naꞌak, “Nuneꞌe. See nosi emi mak la nalo sala dauk bele taa ukun nodi tuda fatuk uluk baa feto neꞌe.”

⁸Dale notu nunia, Yesus natuꞌu nikar, nakerek tenik baa rai.

⁹Rona nola Yesus dale nunia, ema nia sia noran moe. Ida-idak natene aan naꞌak, nia moos nalo sala. Tan baa nia, nahuu nosi matas toꞌo lawarik nakiduk ida-idak, toꞌo laꞌo nela Yesus mesan no feto nia.

¹⁰Hotu Yesus nariik nikar, nusu baa feto nia naꞌak, “Sia iha nabee tiꞌan? Sei noo ema mak atu taa ukun kastikar baa o ka?”

¹¹Feto nia nataa naꞌak, “La noo tiꞌan, Ama.” Hotu Yesus katak baa nia naꞌak, “Haꞌu moos la koꞌuk taa ukun kastikar baa o. Fila ona. Mais manoin. Keta malo sala tenik ona!”

¹²Hotu Yesus dale nikar tenik no ema lear naꞌak, “Haꞌu neꞌe, kroman bodik ema raiklaran. Ema mak tuir Haꞌu la moris iha makukun ona, mais nein iha kroman mak natudu dalan baa moris.”

¹³Rona Yesus dale nunia, ema Farisi naꞌin hira nakbehek Nia naꞌak, “Hoi! Ami la simu okaan dale nia, tan O dale lia mosi aan duꞌuk.”