Yohanis 19:13-15

¹³De ledoeik gubenol namanene sila kokola nala leondia, boe ma ana kalua heni Yesus. Boe ma ana nanggatuuk neu mana maketu dedeꞌak kadelan, nai mamanak esa fo ala foin nade, “Mook nana taok neme Batu Bebelak mai”. (Nai dedeꞌa Aram, naden, nae, Gabata.)

¹⁴Faik ndia, Fai Sadia Feta Paska. Meda ledo namatetu, boe ma gubenol nafada hataholi Yahudi la nae, “Mita leo! Ndia ia, ei manem!”

¹⁵Tehuu ala eki latingga lae, “Mian deak mai! Tao misan leo! Mbaku Ndia neu ai ngganggek!” Boe ma gubenol dudunggu sala nae, “De leobee? Ei hihiim, na, au musi tao isa ei manem ia do?” Basa de malangga anggama la malangga nala lataa lae, “Ai manen kada esak, fo ndia mane inahuuk Keser! Taa hambu feꞌek so bali!”