Yohanee 5:37-38

³⁷Ne̱ n se̱ Wuribware̱ ne̱ oo suŋ mo̱‑ɔ gbaa a tɔwe̱ mo̱ ase̱ŋ. N gye̱ fe̱yɛ mo̱ e̱ kaapo̱ fe̱yɛ mo̱ne̱ a nu mò̱ bo̱re̱, bɛɛɛ mo̱ne̱ a ŋu mò̱ akatɔ‑rɔ ne̱e̱.

³⁸Amaa ke̱tɔ ne̱ mo̱ e̱ kaapo̱‑ɔ e̱ gye̱ fe̱yɛ n se̱ Wuribware̱ a sa ne̱ baa kyo̱rɛɛ mo̱ ase̱ŋ bo̱ waa abware̱se̱ŋ wo̱re̱‑ɔ‑rɔ. Ɔɔŋ, wo̱re̱ ko̱ŋko̱‑ɔ dɛɛ‑rɔ ne̱ mo̱ne̱ i suye nɛɛnɛɛ, na mo̱nꞌ nya ŋu ane̱ŋ ne̱ mo̱ne̱ e̱ nya ŋkpa na kukyure ne̱ a mo̱ŋ de kɛɛ‑ɔ. Amo̱ pɛɛɛ gbaa mo̱ne̱ maa kɔɔre̱ abware̱se̱ŋ‑ɔ mo̱ne̱ i gyi. Ke̱tɔ ne̱ ke̱ e̱ kaapo̱ fe̱yɛ mo̱ne̱ maa kɔɔre̱ amo̱ mo̱ne̱ i gyi‑o e̱ gye̱ fe̱yɛ mo̱ne̱ a kine mo̱ ne̱ Wuribware̱ a suŋ mo̱ne̱ ase̱‑ɔ. A le̱e̱ fe̱yɛ mo̱ne̱ mo̱ŋ tɛɛ ŋu fe̱yɛ abware̱se̱ŋ wo̱re̱‑ɔ‑rɔ baa kyo̱rɛɛ fe̱yɛ Wuribware̱ i suŋ mo̱ mo̱ne̱ ase̱. Mo̱‑ɔ mo̱ e̱ gye̱ ne̱ mo̱ e̱ taare̱ a n sa mo̱ne̱ ŋkpa na kukyure ne̱ mo̱ne̱ i buwi mo̱ne̱ e̱ kpa‑ɔ, amaa mo̱ne̱ a kine.