Yohana 5:28-46

²⁸Msekwehelwa mwe vino. Chipindi cheza umo wabanike wemwezimbila naweve izwi dyakwe,

²⁹na kulaila mwe zimbila zawo. Wadya wadamanye yedi nawauyuke na kutenda na ujima, mna wadya wadamanye yehiye nawauyuke na kukantilwa.

³⁰“Sikudaha kudamanya chintu kwa udahi wangu mwenye. Nakantila saviya hugambilwa ni Chohile kugamba kanto dyangu dyawagila, kwaviya sikudamanya viya hunga, mna viya du yudya anisigile.

³¹“Uneva heukuila mwenye, hunga nilonge hachihokelwe saiya chindedi.

³²Mna hana mtuhu akunukuila, naho simanya kugamba yose akunilongela ni chindedi.

³³Nyuwe msigila wantu kwa Yohana, naye kaukula ichindedi.

³⁴Suko kugamba miye naunga ukuzi wa mntu; Nalonga vino chani mdahe kwambulwa.

³⁵Yohana endaga saviya taa ikwaka na kupulika, naho namkaunga mbwede hadodo ulangazi wakwe.

³⁶Mna miye nina ukuzi ukulise kujinka udya alavyaga Yohana. Yadya hudamanya, nizo ndima aninkile Tate nizidamanye, zino zanilongela na kulagisa kugamba Tate kanisigila.

³⁷Naye Tate anisigile nuyo aniukuile kale, nyuwe hamnati kwiva idizwi dyakwe na kumwona,

³⁸naho ulosi wakwe haukwikala mndani mwenyu kwaviya hamkumzumila yudya amsigile.

³⁹Nyuwe nanywi mwakaula Mawandiko Yakukile, kwaviya mwafanyanya kugamba mndani mwakwe namwinkwe ujima wa mazuwa yose. Mawandiko ayo nayo yakunukwila!

⁴⁰Hata ivyo nyuwe hamkunga kwiza kwangu chani mhokele ujima.

⁴¹“Sikulonda ntogozi kulaila kwa mntu.

⁴²Mna siwamanya nyuwe kugamba mwi wantu hemkumunga Chohile.

⁴³Miye siza kwa udahi wa Tate, mna hamkunihokela, mna mntu mtuhu akeza kwa udahi wakwe mwenye, namumhokele.

⁴⁴Mwadaha vivihi kuzumila kuno nyuwe mwaunga kuhokela ntogozi kulaila kwenyu nyuwe wenye, mna hamkunga ntogozi zikulawa kwa Chohile uyodu.

⁴⁵Msekufanyanya kugamba miye naniwalahe nyuwe kwa Tate. Sigilizi za Musa mkwikiya msuhi.

⁴⁶Uneva chindedi mwamzumila Musa mnizumile nami kwaviya awandikaga mbuli zangu.