Yakap 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Täpdukngätä apän, Yawetä Noa inikut. “Äminu ayiwixayingkätanu, nätä gandupa, äminomänu gäkän. Ge gin yänggwälu undä sip gwenkätan kopnong.

²Gwaxu nomänu inäinä, äwä kwäwilu inäinä, mängälä 7, wäwi 7 yang päyo. Tikengu gwaxu nomänundo täpäläpä, mängälä gwendu, wäwi gwendu yanggän pätäke kuyo. Ge uläkwäkgäyä kewune sakngälawik.

⁴Anggwenunetä täpduxu 7 yiwikengä, hopä tewa, kwakäpäne kupiläne yang takuhixawän, ku täpduxu 40 apuxuwik. Tiwän hängäläpä kewu anggomune nina pekumu, undä pahawa hopining,” yang inikut.

⁵Tiwän Yawetä u yakut using tawake pahakut.

⁶Noa krismasnä 600 yiwixawän, yanggätä kep gomu yiwikdoke pänguhikut.

⁷Noa, mängätnä, wawakngä, äwä wawakngäle mängät yang, “Yanggätä nihipsäk,” yake, sip gwenune kopgin.

⁸Gwaxu nomän, gwaxu nomänundo, äwä kwäwit yangu ayä mängätnä yang

⁹sip gwenune kopgin, Anätutä Noa inikut using.

¹⁰Täpduxu Anätutä yakut using 7 gwendä apän, yanggä une sipgin.

¹¹Noa krismasnä 600 tixawän, yekäwu 2 gwende täpduxu 17 gwenune kep gomu gänanggänangäkän tixawä, yanggä undandä akopgin. Tixawän yekäpde yämäxäyä wangga tixawä,

¹²hopä takuhixawän, ku täpduxu 40 apuxukut.

¹³Inä täpduxu unggwenunekänu, Noa, mängätnä, wawakngä äwä wawakngä uläkwäkge mängät yang siwune kopgin.

¹⁴Tiwän hängä kewune alihikuke yiwixaying, awepmäke tihikukaying, inulung, mätekngä yang undä kopgin.

¹⁵Hängä undä mepme pexayingu gwenalänänäxäyä apä, sipkätan Noaxät using kopgin.

¹⁶Anätutä Noa inikut using, hängä undä u kopginu, mangätnä ayä yang kopgin. Tiwänä Yawetä yämä däkä tahakuhikut.

¹⁷Tiwänä yanggä kepkätandä akoxawä, hopä alakuhixawän, täpduxu 40 apuxukut. Yanggätä yiwikdoke, sip gwenu enen hikngä tängenakut.

¹⁸Yanggätä inulung hikngä yiwitexäwik, sip gwenu täpän tayikut.

¹⁹Tiwän unetäkän yanggä inulung hikngä yiwitexäwik, täwalu belakngä däkändäkä undä pänguhikut.

²⁰Pänguhike, täwalu 7 mita ko yapmikut.

²¹Tikengä hängä kewune tihikukaying, kwäwit, hängä inulung, mätekngä äwä ämin yangu undä pänguhiwän kumgin.

²²Hängä täpä mepme pexäwik, kep däkäne tihikuke yiwixayingu, undä hikngä kumgin.

²³Tiwän hängäläpä kep däkäne nanä undä pahawän hopikin. Tike Noaxät siwune yiwikindäkän käluxu yiwikin.

²⁴Tiwän yanggä ayiwikut täkngane using yiwixawän, ku täpduxu 150 apgut.