2 Nuxui nun kuye ifɔɔrɔxi a rabilinma. A xa kibanyi dɔxɔxi tinxinyi nun nɔndi fari.
3 Tɛ tixi a ya ra, a a yaxuie birin ganma a rabilinyi.
4 A duniɲa iyalanma a xa seyamakɔnyie ra, duniɲa mixie na a to, e sɛrɛnma nɛ.
5 Geyae xunuma duniɲa Marigi Alatala ya ra alɔ kumi dole.
6 Koore a xa tinxinyi masenma, si birin a xa nɔrɛ toma.
7 Kuye batue fama nɛ yaagide a ya ra, sɛnbɛmae e felenma nɛ a bun ma.
8 Siyonikae na a xui mɛ, e sɛɛwama nɛ, Yudayakae ɲɛlɛxinma nɛ i tan Alatala xa kiiti ra,
9 barima i tan Marigi xun nakelixi sɛnbɛmae birin bɛ.
10 Alatala xanuntenyi xa fe ɲaaxi xɔn. Alatala a batulae makantama nɛ, a e ba mixi kobie bɛlɛxɛ.
11 Naiyalanyi na tinxintɔɛe nan bɛ, sɛɛwɛ na mixie bɛ naxee bɔɲɛ fiixɛ.