Yabura 96:7-11 in Susu

⁷ Bɔnsɔɛ birin, wo xa tantui rasiga Alatala ma, wo Alatala matɔxɔ a xunnakeli nun a xa sɛnbɛ xa fe ra.

⁸ Wo xa a xili binya alɔ a lanma wo xa a raba ki naxɛ. Wo xa fa hadiya ra, wo xa a raso a xa hɔrɔmɔbanxi tɛtɛ kui.

⁹ Wo xa suyidi Marigi bɛ a xa nɔrɛ ya i. Duniɲa birin xa sɛrɛn a ya ra.

¹⁰ Wo xa a fala si birin bɛ, «Alatala nan na Mangɛ ra. Duniɲa xanxi, a mu a imaxama. Ala ɲamae makiitima tinxinyi ra.

¹¹ Koore xa sɛɛwa, bɔxi xa ɲɛlɛxin. Baa nun a kui isee xa wundu sɛɛwɛ ra.

⁷ بْنسْي بِرِن، وٌ شَ تَنتُي رَ سِفَ عَلَتَلَ مَ، وٌ عَلَتَلَ مَتْشْ عَ شُننَكٍلِ نُن عَ شَ سّنبّ شَ قٍ رَ.

⁸ وٌ شَ عَ شِلِ بِنيَ عَلْ عَ لَنمَ وٌ شَ عَ رَبَ كِ نَشّ. وٌ شَ قَ هَدِيَ رَ، وٌ شَ عَ رَ سٌ عَ شَ هْرْ مْبَنشِ تّتّ كُي.

⁹ وٌ شَ سُيِدِ مَرِفِ بّ عَ شَ نْرّ يَ عِ. دُنِحَ بِرِن شَ سّرّن عَ يَ رَ.

¹⁰ وٌ شَ عَ قَلَ سِ بِرِن بّ، «عَلَتَلَ نَن نَ مَنفّ رَ. دُنِحَ شَنشِ، عَ مُ عَ عِمَشَمَ. عَلَ حَمَيٍ مَكِيتِمَ تِنشِنيِ رَ.

¹¹ كٌورٍ شَ سّيوَ، بْشِ شَ حّلّشِن. بَا نُن عَ كُي عِسٍيٍ شَ وُندُ سّيوّ رَ.