19 E naxa Ala mabere a falafe ra, «Ala nɔma won nabalode yi gbengberenyi kui?
20 A bara ye ramini fanye kui, kɔnɔ a nɔma taami fan fide e ma?»
21 Ala to na mɛ, a naxa xɔnɔ ki fanyi ra, a fa tɛ radɛxɛ Yaxuba xa ɲama xili ma, a fa xɔnɔ Isirayila ɲama ma,
22 barima e mu nu laxi Ala ra, e mu e xaxili tixi a xa kisi ra.
23 Na kui Ala naxa yaamari fi koore naadɛe xa rabi,
24 «mana» xa goro e ma baloe ra, naxan findi koore taami ra.
