4 N xɔnmixie n ɲaxankatama tɛmui naxɛ, Ala n nakisima nɛ kelife ariyanna, Ɲɛngi rate a hinnɛ nun nɔndi ragoroma n ma.
5 Yɛtɛe bara n nabilin, n saxi e tagi, e tan naxee adamadie faxama. E ɲinyie luxi alɔ tanbɛe, e nɛnyie luxi alɔ santidɛgɛma naxan baxi a tɛɛ i.
6 Ala, i xa i xa binyɛ masen koore ma, i xa a masen bɔxi ma.
7 E bara yɛlɛ ti n ya ra, a gbe mu luxi n xa so a ra. E bara yili ge n ya ra, kɔnɔ e tan nan biraxi a kui. Ɲɛngi rate.
8 Ala, n bɔɲɛ bara limaniya, n bara limaniya sɔtɔ. N bɛɛti bama nɛ, n i tantuma nɛ.
9 N bɔɲɛ bara keli n na, n xa n ma kɔrae tongo, n xa bɛɛti ba han subaxɛ.
10 Marigi, n i tantuma nɛ sie tagi. N bɛɛti bama nɛ i bɛ bɔnsɔɛe tagi.
11 I xa hinnɛ koore lima nɛ, i xa tinxinyi tema nɛ han nuxuie.