2 Ala, muxu bara a mɛ muxu benbae saabui ra, i wali naxan nabaxi tɛmui dangixi.
3 I bara sie keri be alako muxu benbae xa sabati yi bɔxi ma.
4 E mu be sɔtɔ e xa santidɛgɛma xa ra, e mu kisi sɔtɔ e yɛtɛ sɛnbɛ xa ra. I tan nan sɛnbɛ bara e rakisi, i tan nan xa hinnɛ bara findi na saabui ra.
5 Ala, i tan nan findi n ma mangɛ ra. Yandi, i xa Yaxuba bɔnsɔɛ rakisi.
6 Muxu fama muxu yaxuie ragbilende i tan nan saabui ra, muxu fama e ragorode i xili ra.
7 N mu n xaxili tixi n ma xali xa ra, n ma santidɛgɛma mu nɔma n nakiside.
8 Kɔnɔ i tan nan muxu ratangama muxu yaxuie ma, i tan nan muxu xɔnmixie rayaagima.
9 Muxu Ala nan matɔxɔma tɛmui birin, muxu i tan nan xili tantuma abadan. Ɲɛngi rate.
10 Kɔnɔ yakɔsi i bara muxu rabɛɲin, i bara muxu rayaagi. I mu muxu xa sɔɔrie malima sɔnɔn.
11 I bara muxu ragi muxu yaxuie ya ra, naxee muxu xɔnxi, nee bara muxu harige birin ba muxu yi ra.
12 I bara muxu rabɛɲin alako e xa muxu faxa alɔ xurusee, i bara muxu rayensen ɲamanɛ gbɛtɛe ma.
13 I bara i xa ɲama mati sare xuri ra, naxan mu findima geeni ra i bɛ.
