Yabura 25:5-19 in Susu

⁵ N naɲɛrɛ i xa nɔndi kira xɔn, i man xa n matinkan i xa kira ra, barima i tan Ala nan n nakisima. N xaxili tixi i ra lɔxɔɛ birin.

⁶ Alatala, i maɲɔxun i xa marafanyi nun i xa fonisireya ma, barima e na na kabi duniɲa fɔlɛ.

⁷ I naxa i maɲɔxun n ma yunubi ma, n naxan nabaxi n ma sɛgɛtalaya kui, n i raxɔnɔxi tɛmui naxɛ. Alatala, i maɲɔxun n ma i xa fonisireya kui, barima i fan.

⁸ Alatala fan, a tinxin. Na nan a toxi a kira masenma yunubitɔɛe bɛ.

⁹ A tan nan mixi magoroxi raɲɛrɛma tinxinyi kui. A e matinkanma a xa kira ra.

¹⁰ Alatala xa fonisireya nun tinxinyi na mixie bɛ, naxee a xa saatɛ nun a xa yaamari mabanbanma.

¹¹ Alatala, n ma yunubie xafari i xili xa fe ra, barima e mu xurun.

¹² Nde gaaxuma Alatala ya ra? Alatala kira masenma na kanyi bɛ a lanma a xa ɲɛrɛ naxan ma.

¹³ A aligiyama lima nɛ sɛɛwɛ kui. A bɔnsɔɛ fan fama sabatide yi bɔxi ma.

¹⁴ Alatala a xa gundo masenma mixie bɛ, naxee gaaxu a ya ra. A a xa saatɛ masenma nɛ e bɛ.

¹⁵ N xaxili tixi Alatala ra lɔxɔɛ birin barima a tan nan n natangama fe ɲaaxi ma.

¹⁶ Alatala, yandi, hinnɛ n na, barima tɔɔrɔmixi nan n na, n malima fan mu na.

¹⁷ N bɔɲɛ bara tɔɔrɔ. N namini na tɔɔrɛ kui.

¹⁸ I ya rasiga n ma sunnunyi nun n ma ɲaxankatɛ ma, i xa diɲɛ n ma yunubi birin ma.

¹⁹ I xa a mato n yaxuie wuyaxi ki naxɛ. E n xɔnxi a ɲaaxi ra.

⁵ ﭑ نَحّرّ عِ شَ نْندِ كِرَ شْن، عِ مَن شَ ﭑ مَتِنكَن عِ شَ كِرَ رَ، بَرِ مَ عِ تَن عَلَ نَن ﭑ نَكِسِمَ. ﭑ شَشِلِ تِشِ عِ رَ لْشْي بِرِن.

⁶ عَلَتَلَ، عِ مَحْشُن عِ شَ مَرَقَنيِ نُن عِ شَ قٌنِسِرٍيَ مَ، بَرِ مَ عٍ نَ نَ كَبِ دُنِحَ قْلّ.

⁷ عِ نَشَ عِ مَحْشُن ﭑ مَ يُنُبِ مَ، ﭑ نَشَن نَبَشِ ﭑ مَ سّفّتَلَيَ كُي، ﭑ عِ رَشْنْشِ تّمُي نَشّ. عَلَتَلَ، عِ مَحْشُن ﭑ مَ عِ شَ قٌنِسِرٍيَ كُي، بَرِ مَ عِ قَن.

⁸ عَلَتَلَ قَن، عَ تِنشِن. نَ نَن عَ تٌشِ عَ كِرَ مَسٍنمَ يُنُبِتْييٍ بّ.

⁹ عَ تَن نَن مِشِ مَفٌرٌشِ رَحّرّ مَ تِنشِنيِ كُي. عَ عٍ مَتِنكَنمَ عَ شَ كِرَ رَ.

¹⁰ عَلَتَلَ شَ قٌنِسِرٍيَ نُن تِنشِنيِ نَ مِشِيٍ بّ، نَشٍيٍ عَ شَ سَاتّ نُن عَ شَ يَامَرِ مَبَنبَنمَ.

¹¹ عَلَتَلَ، ﭑ مَ يُنُبِيٍ شَقَرِ عِ شِلِ شَ قٍ رَ، بَرِ مَ عٍ مُ شُرُن.

¹² ندٍ فَاشُمَ عَلَتَلَ يَ رَ؟ عَلَتَلَ كِرَ مَسٍنمَ نَ كَنيِ بّ عَ لَنمَ عَ شَ حّرّ نَشَن مَ.

¹³ عَ عَلِفِيَمَ لِمَ نّ سّيوّ كُي. عَ بْنسْي قَن قَمَ سَبَتِدٍ يِ بْشِ مَ.

¹⁴ عَلَتَلَ عَ شَ فُندٌ مَسٍنمَ مِشِيٍ بّ، نَشٍيٍ فَاشُ عَ يَ رَ. عَ عَ شَ سَاتّ مَسٍنمَ نّ عٍ بّ.

¹⁵ ﭑ شَشِلِ تِشِ عَلَتَلَ رَ لْشْي بِرِن بَرِ مَ عَ تَن نَن ﭑ نَتَنفَمَ قٍ حَاشِ مَ.

¹⁶ عَلَتَلَ، يَندِ، هِننّ ﭑ نَ، بَرِ مَ تْورْ مِشِ نَن ﭑ نَ، ﭑ مَلِمَ قَن مُ نَ.

¹⁷ ﭑ بْحّ بَرَ تْورْ. ﭑ نَمِنِ نَ تْورّ كُي.

¹⁸ عِ يَ رَ سِفَ ﭑ مَ سُننُنيِ نُن ﭑ مَ حَشَنكَتّ مَ، عِ شَ دِحّ ﭑ مَ يُنُبِ بِرِن مَ.

¹⁹ عِ شَ عَ مَتٌ ﭑ يَشُييٍ وُيَشِ كِ نَشّ. عٍ ﭑ شْنشِ عَ حَاشِ رَ.