Yabura 14:1-7 in Susu

¹ Dawuda xa bɛɛti bɛɛtibae xa mangɛ bɛ Xaxilitare a falama a bɔɲɛ kui, «Ala mu na.» A bɔɲɛ bara kana, a ɲaaxuɲa nan tun nabama. Fe fanyi rabae mu na sɔnɔn.

² Alatala a ya ragorofe adamadie ma keli ariyanna, a xa a to xa lɔnnila nde na na naxan Ala fenma.

³ Kɔnɔ birin bara kira bɛɲin, e ɲaaxu. Hali fe fanyi rabama keren mu na sɔnɔn.

⁴ Maɲɔxunyi fanyi mu na fe kobi rabae bɛ? E na n ma ɲama xa geeni nan tun donfe. E mu Alatala xilima fefe ma.

⁵ Kɔnɔ e fama sɛrɛnde Ala ya ra, naxan na tinxintɔɛe ya ma.

⁶ Wo bara wa setaree waxɔnfe kanafe, kɔnɔ e Kanta Marigi Alatala na na.

⁷ Nde fama kisi ra Isirayila bɛ kelife Siyon? Alatala nan fama a xa ɲama raminide konyiya kui. Yaxuba bɔnsɔɛ sɛɛwama nɛ, Isirayila ɲɛlɛxinma nɛ!

¹ دَوُدَ شَ بّيتِ بّيتِبَيٍ شَ مَنفّ بّ شَشِلِتَرٍ عَ قَلَمَ عَ بْحّ كُي، «عَلَ مُ نَ.» عَ بْحّ بَرَ كَنَ، عَ حَاشُحَ نَن تُن نَبَمَ. قٍ قَنيِ رَبَيٍ مُ نَ سْنْن.

² عَلَتَلَ عَ يَ رَفٌرٌقٍ عَدَ مَدِيٍ مَ كٍلِ عَرِيَننَ، عَ شَ عَ تٌ شَ لْننِلَ ندٍ نَ نَ نَشَن عَلَ قٍنمَ.

³ كْنْ بِرِن بَرَ كِرَ بّحِن، عٍ حَاشُ. هَلِ قٍ قَنيِ رَبَمَ كٍرٍن مُ نَ سْنْن.

⁴ مَحْشُنيِ قَنيِ مُ نَ قٍ كٌبِ رَبَيٍ بّ؟ عٍ نَ ﭑ مَ حَمَ شَ فٍينِ نَن تُن دٌنقٍ. عٍ مُ عَلَتَلَ شِلِمَ قٍقٍ مَ.

⁵ كْنْ عٍ قَمَ سّرّندٍ عَلَ يَ رَ، نَشَن نَ تِنشِنتْييٍ يَ مَ.

⁶ وٌ بَرَ وَ سٍتَرٍيٍ وَشْنقٍ كَنَقٍ، كْنْ عٍ كَنتَ مَرِفِ عَلَتَلَ نَ نَ.

⁷ ندٍ قَمَ كِسِ رَ عِسِرَيِلَ بّ كٍلِقٍ سِيٌن؟ عَلَتَلَ نَن قَمَ عَ شَ حَمَ رَ مِنِدٍ كٌنيِيَ كُي. يَشُبَ بْنسْي سّيوَ مَ نّ، عِسِرَيِلَ حّلّشِنمَ نّ!