Yabura 147:1-8 in Susu

¹Wo Alatala matɔxɔ. A lanma Alatala xa matɔxɔ bɛɛti ra. Fe fanyi na a ra.

²Alatala na gbilenfe Darisalamu ti ra, a Isirayila xa mixi rafama nɛ kelife konyiya kui,

³a tɔɔrɔmixie ralimaniyama, a e rayalanma e xa fure kui.

⁴Alatala tunbuie kɔnti kolon, a e birin xilima e xili ra.

⁵Won Marigi Alatala sɛnbɛ gbo, dan mu na a xa fahaamui ma.

⁶Alatala mixi magoroxi bun tima, kɔnɔ a yɛtɛ igboe xa fe kanama.

⁷Wo xa bɛɛti ba Alatala bɛ tantui ra, wo xa bɛɛti ba Ala bɛ kɔrae xui ra.

⁸A tan nan nuxui raminima koore ma, a tunɛ rafa bɔxi ma, a sansie rasoli geyae fari.

¹وٌ عَلَتَلَ مَتْشْ. عَ لَنمَ عَلَتَلَ شَ مَتْشْ بّيتِ رَ. قٍ قَنيِ نَ عَ رَ.

²عَلَتَلَ نَ فبِلٍنقٍ دَرِ سَلَمُ تِ رَ، عَ عِسِرَيِلَ شَ مِشِ رَقَمَ نّ كٍلِقٍ كٌنيِيَ كُي،

³عَ تْورْ مِشِيٍ رَلِمَنِيَمَ، عَ عٍ رَيَلَنمَ عٍ شَ قُرٍ كُي.

⁴عَلَتَلَ تُنبُييٍ كْنتِ كٌلٌن، عَ عٍ بِرِن شِلِمَ عٍ شِلِ رَ.

⁵وٌن مَرِفِ عَلَتَلَ سّنبّ فبٌ، دَن مُ نَ عَ شَ قَهَامُي مَ.

⁶عَلَتَلَ مِشِ مَفٌرٌشِ بُن تِمَ، كْنْ عَ يّتّ عِفبٌي شَ قٍ كَنَمَ.

⁷وٌ شَ بّيتِ بَ عَلَتَلَ بّ تَنتُي رَ، وٌ شَ بّيتِ بَ عَلَ بّ كْرَيٍ شُي رَ.

⁸عَ تَن نَن نُشُي رَ مِنِمَ كٌورٍ مَ، عَ تُنّ رَقَ بْشِ مَ، عَ سَنسِيٍ رَ سٌلِ فٍيَيٍ قَرِ.