Yabura 146:4-10 in Susu

⁴ E nii bama nɛ e fate i, e gbilen bɛndɛ. Na lɔxɔɛ yati, e naxan ɲanigexi, na birin ɲɔnma nɛ.

⁵ Sɛɛwɛ na mixi bɛ, Yaxuba Marigi Ala naxan malima. Sɛɛwɛ na mixi bɛ, naxan a xaxili tima a Marigi Alatala ra,

⁶ Ala naxan koore nun bɔxi daa, Ala naxan baa nun a kui see birin daa, dugutɛgɛɲa na Ala naxan bɛ abadan.

⁷ Alatala tɔɔɲɛgɛtɔɛe xun mafalama, a donse fima kaamɛtɔɛe ma, a geelimanie raminima geeli kui,

⁸ a dɔnxuie ya rabɔɔma, a mixi magoroxie xun nakelima, a tinxintɔɛe xanuma,

⁹ a mɛɛnima xɔɲɛe ma, a kiridie nun kaaɲɛ ginɛe bun tima, kɔnɔ a mixi ɲaaxie tan xun nakanama nɛ.

¹⁰ Siyoni, wo Marigi Alatala xa mangɛya mu ɲɔnma abadan. Wo xa Alatala matɔxɔ!

⁴ عٍ نِي بَمَ نّ عٍ قَتٍ عِ، عٍ فبِلٍن بّندّ. نَ لْشْي يَتِ، عٍ نَشَن حَنِفٍشِ، نَ بِرِن حْنمَ نّ.

⁵ سّيوّ نَ مِشِ بّ، يَشُبَ مَرِفِ عَلَ نَشَن مَلِمَ. سّيوّ نَ مِشِ بّ، نَشَن عَ شَشِلِ تِمَ عَ مَرِفِ عَلَتَلَ رَ،

⁶ عَلَ نَشَن كٌورٍ نُن بْشِ دَا، عَلَ نَشَن بَا نُن عَ كُي سٍيٍ بِرِن دَا، دُفُتّفّحَ نَ عَلَ نَشَن بّ عَبَدَن.

⁷ عَلَتَلَ تْوحّفّتْييٍ شُن مَقَلَمَ، عَ دٌنسٍ قِمَ كَامّتْييٍ مَ، عَ فٍيلِمَنِيٍ رَ مِنِمَ فٍيلِ كُي،

⁸ عَ دْنشُييٍ يَ رَبْو مَ، عَ مِشِ مَفٌرٌشِيٍ شُن نَكٍلِمَ، عَ تِنشِنتْييٍ شَنُمَ،

⁹ عَ مّينِمَ شْحّيٍ مَ، عَ كِرِدِيٍ نُن كَاحّ فِنّيٍ بُن تِمَ، كْنْ عَ مِشِ حَاشِيٍ تَن شُن نَكَنَمَ نّ.

¹⁰ سِيٌنِ، وٌ مَرِفِ عَلَتَلَ شَ مَنفّيَ مُ حْنمَ عَبَدَن. وٌ شَ عَلَتَلَ مَتْشْ!