Yabura 144:3-10 in Susu

³ Alatala, munse na adama ra i to fa mɛɛnixi a ma? Munse na adama xa di ra i to fa i ɲɔxɔ saxi a xɔn ma?

⁴ Adamadi luxi nɛ alɔ ɲɛngi foye, a xa simaya dangima nɛ alɔ niini dangima ki naxɛ.

⁵ Alatala, i xa koore rabi i gorofe ra, i fa din geyae ra alako tuuri xa te.

⁶ I xa seyamakɔnyi rabula yaxuie rayensenfe ra. Xalie woli alako e xa siga.

⁷ I xa i bɛlɛxɛ itala kelife koore ma, alako i xa n nakisi, i xa n natanga n yaxuie ma alɔ mixi ratangama mɔrɔnyie ma ki naxɛ.

⁸ N nakisi wule falɛe ma naxee wama n madaxufe.

⁹ Ala, n bɛɛti nɛɛnɛ bama nɛ i bɛ n ma kɔra luuti fu daaxi xui ra.

¹⁰ N i matɔxɔma nɛ, i tan naxan mangɛe xun nakelima, naxan i xa konyi Dawuda ratangama santidɛgɛma ɲaaxi ma.

³ عَلَتَلَ، مُنسٍ نَ عَدَ مَ رَ عِ تٌ قَ مّينِشِ عَ مَ؟ مُنسٍ نَ عَدَ مَ شَ دِ رَ عِ تٌ قَ عِ حْشْ سَشِ عَ شْن مَ؟

⁴ عَدَ مَدِ لُشِ نّ عَلْ حّنفِ قٌيٍ، عَ شَ سِمَيَ دَنفِمَ نّ عَلْ نِينِ دَنفِمَ كِ نَشّ.

⁵ عَلَتَلَ، عِ شَ كٌورٍ رَبِ عِ فٌرٌقٍ رَ، عِ قَ دِن فٍيَيٍ رَ عَلَكٌ تُورِ شَ تٍ.

⁶ عِ شَ سٍيَمَكْنيِ رَبُلَ يَشُييٍ رَيٍنسٍنقٍ رَ. شَلِيٍ وٌلِ عَلَكٌ عٍ شَ سِفَ.

⁷ عِ شَ عِ بّلّشّ عِتَلَ كٍلِقٍ كٌورٍ مَ، عَلَكٌ عِ شَ ﭑ نَكِسِ، عِ شَ ﭑ نَتَنفَ ﭑ يَشُييٍ مَ عَلْ مِشِ رَتَنفَمَ مْرْنيِيٍ مَ كِ نَشّ.

⁸ ﭑ نَكِسِ وُلٍ قَلّيٍ مَ نَشٍيٍ وَ مَ ﭑ مَدَشُقٍ.

⁹ عَلَ، ﭑ بّيتِ نّينّ بَمَ نّ عِ بّ ﭑ مَ كْرَ لُوتِ قُ دَاشِ شُي رَ.

¹⁰ ﭑ عِ مَتْشْمَ نّ، عِ تَن نَشَن مَنفّيٍ شُن نَكٍلِمَ، نَشَن عِ شَ كٌنيِ دَوُدَ رَتَنفَمَ سَنتِدّفّمَ حَاشِ مَ.