Yabura 126:1-5 in Susu

¹ Biyaasilae xa bɛɛti nde Alatala to geelimanie ragbilen Siyoni, a lu nɛ muxu bɛ alɔ xiye.

² Muxu naxa yele, muxu naxa bɛɛti ba sɛɛwɛ ra. Sie nu a falama nɛ e bore bɛ, «Alatala bara kaabanakoe raba yie bɛ.»

³ Iyo, Alatala bara kaabanakoe raba muxu bɛ, muxu sɛɛwaxi ki fanyi ra.

⁴ Alatala, muxu harige ragbilen muxu ma alɔ ye ragbilenma Negewi bɔxi xure xɔrixie ra ki naxɛ.

⁵ Mixi naxee xɛ sama yaye ra, e fama nɛ a xabade sɛɛwɛ kui.

¹ بِيَاسِلَيٍ شَ بّيتِ ندٍ عَلَتَلَ تٌ فٍيلِمَنِيٍ رَفبِلٍن سِيٌنِ، عَ لُ نّ مُشُ بّ عَلْ شِيٍ.

² مُشُ نَشَ يٍلٍ، مُشُ نَشَ بّيتِ بَ سّيوّ رَ. سِيٍ نُ عَ قَلَمَ نّ عٍ بٌرٍ بّ، «عَلَتَلَ بَرَ كَابَنَكٌي رَبَ يِيٍ بّ.»

³ عِيٌ، عَلَتَلَ بَرَ كَابَنَكٌي رَبَ مُشُ بّ، مُشُ سّيوَشِ كِ قَنيِ رَ.

⁴ عَلَتَلَ، مُشُ هَرِفٍ رَفبِلٍن مُشُ مَ عَلْ يٍ رَفبِلٍنمَ نٍفٍوِ بْشِ شُرٍ شْرِشِيٍ رَ كِ نَشّ.

⁵ مِشِ نَشٍيٍ شّ سَمَ يَيٍ رَ، عٍ قَمَ نّ عَ شَبَدٍ سّيوّ كُي.