22 Dikiri ma kɛ a zĩ naanagↄrↄa, ari àgↄ̃ gɛ́ yã kũ à kɛ̀ zaa káakunↄ kɛ.
23 À ma ditɛ zaa káakumɛ, zaa a naana gↄrↄa, de adi andunia kɛ kↄ̀ro.
24 À ma i zaade ísira kunlo, ísɛ̃boki ke kun gↄrↄ kũ̀aro.
25 À ma i kpinↄ ã, ari àgↄ̃ gɛ́ sĩ̀sĩnↄ zĩni pɛ́tɛ,
26 ari àgↄ̃ gɛ́ andunia kátɛ, ke sɛ̃̀ntɛ ke bùsu wɛ́n do.
27 Kũ àtɛn pↄ́ kũ ò kú musunↄ kɛ, kũ àtɛn sarapura da ísirala,
28 kũ àtɛn legũ na musu, kũ àtɛn zĩtɛ í zɛ́ fↄ̃,
29 kũ àtɛn ísira lɛ́zɛki kɛ de a í sún vĩalaro, kũ àtɛn andunia kátɛ, má kú gwe.
30 Má kú a sarɛ ↄzĩkɛri mana ũ, ma pↄ dìgↄ̃ nna a arɛ lákũ gu dìgↄ̃ dↄ nà, madìgↄ̃ pↄnna kɛ kãao gↄrↄ sĩnda pínki.
31 Ma pↄ dìgↄ̃ nna Dikiri anduniaa, bisãsirinↄ de ma pↄnnakɛbↄ ũ.
32 Tera sà, ma nɛ́nↄ, à ma yã ma, arubarikaden gbɛ̃ kũ à ma zɛ́ kũna ũ.
